ഈ സീസണിന് ശേഷം ലിവർപൂൾ വിടുകയാണെന്ന് സ്ഥിരീകരിച്ചതിന് ശേഷമുള്ള ആദ്യ ഹോം മത്സരത്തിൽ ആൻഡി റോബർട്ട്‌സൺ ടീമിനായി കളത്തിലിറങ്ങി. ഫുൾഹാമിനെതിരായ പ്രീമിയർ ലീഗ് മത്സരത്തിലാണ് താരം ലിവർപൂളിനായി സ്റ്റാർട്ടിംഗ് ഇലവനിൽ ഇടംപിടിച്ചത്.

2-0 എന്ന സ്കോറിന് വിജയിച്ച മത്സരത്തിന് ശേഷം കാണികൾ നൽകിയ സ്വീകരണത്തെക്കുറിച്ച് സ്കൈ സ്പോർട്സിനോട് റോബർട്ട്‌സൺ പ്രതികരിച്ചു. “താൻ ഈ ക്ലബ്ബിൽ തുടരുന്ന അവസാന സമയങ്ങളിൽ ആരാധകർ തന്റെ ഗാനം പാടുമെന്ന് അറിയാമായിരുന്നു,” അദ്ദേഹം പറഞ്ഞു.

“ഈ ക്ലബ്ബ് എനിക്ക് എല്ലാം നൽകിയിട്ടുണ്ട്. ഒമ്പത് വർഷമായി ഞാൻ ഇവിടെയുണ്ട്. ഇവിടെ എത്തുമ്പോൾ ഞാൻ ഒരു പയ്യനായിരുന്നു, എന്നാൽ ഇന്ന് ഞാൻ ഒരു പുരുഷനായി വളർന്നിരിക്കുന്നു. ഇന്നത്തെ ഞാൻ എന്ന നിലയിലേക്ക് എന്നെ മാറ്റിയത് ഈ ക്ലബ്ബാണ്, ഞാൻ അവരോട് ഒരുപാട് കടപ്പെട്ടിരിക്കുന്നു,” അദ്ദേഹം കൂട്ടിച്ചേർത്തു.

“ഈ ഫുട്ബോൾ ക്ലബ്ബിൽ ചെലവഴിക്കുന്ന ഓരോ നിമിഷവും ആസ്വദിക്കാനാണ് ഞാൻ ആഗ്രഹിക്കുന്നത്. അവസരം ലഭിക്കുമ്പോൾ അത് പൂർണ്ണമായി ആസ്വദിക്കാൻ ഞാൻ ശ്രമിക്കാറുണ്ട്,” ലെഫ്റ്റ്-ബാക്ക് താരം വ്യക്തമാക്കി.