ടോട്ടൻഹാം താരം ആർച്ചി ഗ്രേയ്ക്കായി ലിവർപൂളും ബയേൺ മ്യൂണിക്കും രംഗത്ത്
ടോട്ടൻഹാം മിഡ്ഫീൽഡർ ആർച്ചി ഗ്രേയെ സ്വന്തമാക്കാൻ ലിവർപൂളും ബയേൺ മ്യൂണിക്കും താല്പര്യം പ്രകടിപ്പിക്കുന്നതായി ഡെയ്ലി മെയിൽ റിപ്പോർട്ട് ചെയ്യുന്നു.
20 വയസ്സുകാരനായ ഈ താരം മിഡ്ഫീൽഡിന് പുറമെ സെന്റർ-ബാക്കായും റൈറ്റ്-ബാക്കായും കളിക്കാൻ പ്രാപ്തനാണ്. പ്രീമിയർ ലീഗിൽ ഇതിനകം 50 മത്സരങ്ങളിൽ ബൂട്ടണിഞ്ഞ ആർച്ചി ഗ്രേ, നിലവിൽ ടോട്ടൻഹാമിലെ ഏറ്റവും മികച്ച യുവതാരങ്ങളിൽ ഒരാളായി വിലയിരുത്തപ്പെടുന്നു.
ഈ സീസണിൽ ടോട്ടൻഹാമിന് പ്രീമിയർ ലീഗിൽ നിലനിൽക്കാൻ സാധിച്ചില്ലെങ്കിൽ, പ്രമുഖ ക്ലബ്ബുകൾ ഗ്രേയ്ക്കായി രംഗത്തെത്തുമെന്നുറപ്പാണ്.
Advertisement
നിലവിൽ പോയിന്റ് പട്ടികയിൽ 18-ാം സ്ഥാനത്താണ് ടോട്ടൻഹാം. 17-ാം സ്ഥാനത്തുള്ള വെസ്റ്റ് ഹാമിനേക്കാൾ രണ്ട് പോയിന്റ് പിന്നിലാണ് അവർ.