റിപ്പോർട്ടർ സാഷ താവോലിയേരിയുടെ വിവരങ്ങൾ പ്രകാരം, സിറ്റി ഫുട്ബോൾ ഗ്രൂപ്പിന്റെ ഭാഗമായ ട്രോയ്സിൽ നിന്ന് വിങ്ങർ മാത്യസ് ഡെറ്റൗർബെറ്റിനെ സ്വന്തമാക്കാനുള്ള നീക്കത്തിലാണ് മാഞ്ചസ്റ്റർ സിറ്റി.

ഏകദേശം 15 മില്യൺ യൂറോയുടെ കരാറിലാണ് ഇരു ക്ലബ്ബുകളും ധാരണയിലെത്തിയിരിക്കുന്നത്.

എങ്കിലും, നിലവിൽ ലീഗ് 2 പോയിന്റ് പട്ടികയിൽ ഒന്നാമതുള്ള ട്രോയ്സിൽ തന്നെ 18-കാരനായ താരം ഒരു സീസൺ കൂടി തുടരുമെന്നാണ് പ്രതീക്ഷിക്കുന്നത്. ഫ്രഞ്ച് ഫുട്ബോളിലെ ഒന്നാം നിര ലീഗിലേക്ക് യോഗ്യത നേടാനുള്ള പോരാട്ടത്തിലാണ് നിലവിൽ ട്രോയ്സ്.

ഈ സീസണിൽ ട്രോയ്സിനായി 33 മത്സരങ്ങളിൽ ബൂട്ടണിഞ്ഞ ഡെറ്റൗർബെറ്റ് മൂന്ന് ഗോളുകൾ നേടുകയും ആറ് ഗോളുകൾക്ക് വഴിയൊരുക്കുകയും ചെയ്തിട്ടുണ്ട്.