ഈ വേനൽക്കാലത്ത് മിഡ്‌ഫീൽഡർ ജോർജീനിയോ വിജിനാൽഡവും സെന്റർ ബാക്ക് ജാക്ക് ഹെൻട്രിയും അൽ-ഇത്തിഫാഖ് ക്ലബ്ബ് വിടുമെന്ന് റിപ്പോർട്ട്. ഫ്രീ ഏജന്റായാണ് ഇരുവരും ക്ലബ്ബിൽ നിന്ന് പുറത്തുപോവുക.

പുതിയ കരാറുകൾ വാഗ്ദാനം ചെയ്യുന്നതിന് ആവശ്യമായ സാമ്പത്തിക ബജറ്റ് നിലവിൽ ക്ലബ്ബിനില്ല. അധിക ഫണ്ടിംഗ് ലഭിച്ചില്ലെങ്കിൽ, പരസ്പര ധാരണയുടെ അടിസ്ഥാനത്തിൽ ഇരു താരങ്ങളും ക്ലബ്ബ് വിടും.

ഈ സീസണിൽ 29 മത്സരങ്ങളിൽ കളിച്ച ഡച്ച് മിഡ്‌ഫീൽഡർ ജോർജീനിയോ വിജിനാൽഡം 15 ഗോളുകൾ നേടുകയും 6 ഗോളുകൾക്ക് വഴിയൊരുക്കുകയും ചെയ്തിട്ടുണ്ട്. ജാക്ക് ഹെൻട്രി 28 മത്സരങ്ങളിൽ അൽ-ഇത്തിഫാഖിനായി ബൂട്ട് കെട്ടിയിട്ടുണ്ട്, ഇതിൽ ഒരു ഗോളും താരം സ്വന്തമാക്കി.

സൗദി പ്രോ ലീഗിൽ നിലവിൽ 29 റൗണ്ടുകൾ പിന്നിടുമ്പോൾ 42 പോയിന്റുമായി ഏഴാം സ്ഥാനത്താണ് അൽ-ഇത്തിഫാഖ്.