ലിവർപൂളുമായുള്ള ചാമ്പ്യൻസ് ലീഗ് ക്വാർട്ടർ ഫൈനൽ മത്സരത്തിനിടെ ഹാംസ്ട്രിംഗിൽ അസ്വസ്ഥത അനുഭവപ്പെട്ട പിഎസ്ജി താരം നുനോ മെൻഡസ് നിലവിൽ വ്യക്തിഗത പരിശീലനം തുടരുകയാണെന്ന് ക്ലബ് സ്ഥിരീകരിച്ചു.

നാളെ നടക്കുന്ന ലിയോണിനെതിരായ ലീഗ് വൺ മത്സരത്തിൽ മെൻഡസ് കളിക്കുമോ എന്ന കാര്യത്തിൽ ഇപ്പോൾ അനിശ്ചിതത്വം നിലനിൽക്കുകയാണ്.

അതേസമയം, മുട്ടിന് പരിക്കേറ്റ ഡെസിറെ ഡൗ, ഫാബിയൻ റൂയിസ് എന്നിവർ പരിക്ക് മാറി പരിശീലനത്തിലേക്ക് തിരിച്ചെത്തിയത് പിഎസ്ജിക്ക് ആശ്വാസമായി.

ദീർഘകാലമായി പരിക്കിന്റെ പിടിയിലുള്ള ക്വെന്റിൻ എൻജാൻടു തുടർന്നും ടീമിന് പുറത്താണ്, അദ്ദേഹം നിലവിൽ ചികിത്സയും വിശ്രമവും തുടരുകയാണ്.