മാഞ്ചസ്റ്റർ യുണൈറ്റഡിനോട് 1-0 എന്ന സ്‌കോറിന് പരാജയപ്പെട്ട മത്സരത്തിനിടെ ചെൽസിക്ക് രണ്ട് നിർബന്ധിത സബ്സ്റ്റിറ്റ്യൂഷനുകൾ നടത്തേണ്ടി വന്നു.

മത്സരത്തിന്റെ 15-ാം മിനിറ്റിൽ എസ്റ്റെവാവോ വില്ലിയന് പരിക്കേറ്റ് പുറത്തുപോയപ്പോൾ, കളിയുടെ അവസാന നിമിഷത്തിൽ എൻസോ ഫെർണാണ്ടസിനും കളം വിടേണ്ടി വന്നു.

മത്സരശേഷം പ്രതികരിക്കവേ, എസ്റ്റെവാവോയുടെ പരിക്കിനെക്കുറിച്ചാണ് പരിശീലകൻ ലിയാം റോസീനിയർ കൂടുതൽ ആശങ്ക പ്രകടിപ്പിച്ചത്.

“അവൻ വല്ലാതെ തകർന്നുപോയി, ഇടവേളയിൽ അവൻ കരയുകയായിരുന്നു. അതൊരു ഹാംസ്ട്രിങ് പരിക്കാണെന്നാണ് തോന്നുന്നത്,” ചെൽസി പരിശീലകൻ പറഞ്ഞു.

അതേസമയം, എൻസോ ഫെർണാണ്ടസിന് ഗുരുതരമായ പരിക്കില്ലെന്നാണ് റോസീനിയറിന്റെ പ്രതീക്ഷ.

“അത് അവന്റെ കാൽമുട്ടിന് താഴെയാണ് (calf) സംഭവിച്ചത്. അതൊരു പേശീവലിവ് (cramp) മാത്രമാണെന്ന് ഞാൻ കരുതുന്നു. ചൊവ്വാഴ്ചത്തെ മത്സരത്തിന് അവനെ നമുക്ക് ആവശ്യമാണ്,” അദ്ദേഹം വ്യക്തമാക്കി.