റയൽ മാഡ്രിഡ് താരങ്ങളായ ആർദ ഗുലർ, എദർ മിലിറ്റാവോ എന്നിവർക്ക് ഹാംസ്ട്രിങ് പരിക്ക് സ്ഥിരീകരിച്ചതായി ക്ലബ്ബ് അറിയിച്ചു.

ഈ സീസണിലെ ശേഷിക്കുന്ന മത്സരങ്ങൾ ഇവർക്ക് നഷ്ടമാകുമെന്നാണ് നിലവിലെ റിപ്പോർട്ടുകൾ.

റയൽ മാഡ്രിഡ് പുറത്തുവിട്ട മെഡിക്കൽ റിപ്പോർട്ടിൽ പറയുന്നത് ഇങ്ങനെ: “റയൽ മാഡ്രിഡ് മെഡിക്കൽ സംഘം ഇന്ന് എദർ മിലിറ്റാവോയെ പരിശോധിച്ചതിൽ, അദ്ദേഹത്തിന്റെ ഇടതു കാലിലെ ബൈസെപ്സ് ഫെമോറിസ് പേശിക്ക് പരിക്കേറ്റതായി കണ്ടെത്തി. അദ്ദേഹത്തിന്റെ പരിക്ക് ഭേദമാകുന്നതുവരെ നിരീക്ഷണം തുടരും.”

“ഇന്ന് നടത്തിയ പരിശോധനയിൽ ആർദ ഗുലറിന്റെ വലതു കാലിലെ ബൈസെപ്സ് ഫെമോറിസ് പേശിക്ക് പരിക്കേറ്റതായും മെഡിക്കൽ സംഘം സ്ഥിരീകരിച്ചു. അദ്ദേഹത്തിന്റെ ആരോഗ്യസ്ഥിതിയും തുടർന്നും പരിശോധിക്കും.”

പരിശീലനത്തിനിടെയാണ് ഗുലറിന് പരിക്കേറ്റത്. അലാവസിനെതിരായ മത്സരത്തിനിടെ പരിക്കേറ്റതിനെത്തുടർന്നാണ് മിലിറ്റാവോ കളം വിട്ടത്.

ലാലീഗയിൽ ഒന്നാം സ്ഥാനത്തുള്ള ബാഴ്‌സലോണയേക്കാൾ ഒൻപത് പോയിന്റ് പിന്നിലുള്ള റയൽ മാഡ്രിഡ് നാളെ റയൽ ബെറ്റിസിനെ നേരിടാൻ ഒരുങ്ങുകയാണ്.