പരിക്കിനെത്തുടർന്ന് ഈ സീസണിൽ താരത്തിന് പല മത്സരങ്ങളും നഷ്ടമായിരുന്നു. എന്നാൽ ഇപ്പോൾ ടീമിലേക്ക് തിരിച്ചെത്തിയ ഒഡെഗാർഡ്, അത്‌ലറ്റിക്കോ മാഡ്രിഡിനെതിരായ ചാമ്പ്യൻസ് ലീഗ് സെമിഫൈനൽ ആദ്യ പാദ മത്സരത്തിൽ കളിക്കുമെന്നാണ് കരുതപ്പെടുന്നത്.

ക്ലബ്ബ് വിടുമെന്ന തരത്തിൽ പ്രചരിക്കുന്ന വാർത്തകളെക്കുറിച്ച് ചോദിച്ചപ്പോൾ, അത്തരം കാര്യങ്ങളെക്കുറിച്ച് തനിക്ക് അറിവില്ലെന്നാണ് ഒഡെഗാർഡ് മറുപടി നൽകിയത്.

“ഇതൊക്കെ എവിടെനിന്നാണ് വരുന്നതെന്ന് എനിക്ക് അറിയില്ല. ടീമിനായി എന്തെങ്കിലും പ്രത്യേക നേട്ടമുണ്ടാക്കാൻ ദിവസവും എന്തുചെയ്യാൻ സാധിക്കുമെന്നാണ് ഞാൻ ചിന്തിക്കുന്നത്.”

“ഫുട്ബോളിൽ ഇത്തരം സംസാരങ്ങളും അഭ്യൂഹങ്ങളും സാധാരണമാണ്. അതെക്കുറിച്ച് എനിക്ക് അറിവൊന്നുമില്ല,” മാർട്ടിൻ ഒഡെഗാർഡ് കൂട്ടിച്ചേർത്തു.