ഇന്ത്യൻ വിമൻസ് ലീഗ്: ഈസ്റ്റ് ബംഗാളിന്റെ കുതിപ്പ് തടഞ്ഞ് കിക്ക്സ്റ്റാർട്ട് എഫ്സി; ഗോകുലം കേരളയ്ക്ക് തകർപ്പൻ ജയം
ഇന്ത്യൻ വിമൻസ് ലീഗ് 2025-26 സീസണിൽ ബുധനാഴ്ച നടന്ന മത്സരത്തിൽ നിലവിലെ ചാമ്പ്യന്മാരായ ഈസ്റ്റ് ബംഗാൾ എഫ്സിക്കെതിരെ കിക്ക്സ്റ്റാർട്ട് എഫ്സിക്ക് തകർപ്പൻ ജയം. ഒന്നിനെതിരെ രണ്ട് ഗോളുകൾക്കാണ് കിക്ക്സ്റ്റാർട്ട് എഫ്സി ഈസ്റ്റ് ബംഗാളിന്റെ ഒമ്പത് മത്സരങ്ങൾ നീണ്ട വിജയക്കുതിപ്പിന് വിരാമമിട്ടത്. ലീഗിലെ മറ്റൊരു മത്സരത്തിൽ ഗർവാൾ യുണൈറ്റഡ് എഫ്സിക്കെതിരെ ഗോകുലം കേരള എഫ്സി 6-2 എന്ന സ്കോറിന് ആധികാരിക വിജയം നേടി.
ഈസ്റ്റ് ബംഗാൾ ഗ്രൗണ്ടിൽ നടന്ന മത്സരത്തിൽ ഏഴാം മിനിറ്റിൽ തന്നെ ഈസ്റ്റ് ബംഗാൾ ലീഡ് നേടി. റെസ്റ്റി നാൻസിരി നൽകിയ പന്ത് കൃത്യമായി ലക്ഷ്യത്തിലെത്തിച്ച് ഫസില ഇക്വാപുട്ടാണ് ഗോൾ നേടിയത്. എന്നാൽ 16-ാം മിനിറ്റിൽ ഈസ്റ്റ് ബംഗാൾ ഗോൾകീപ്പർ എലാംഗ്ബാം പാന്തോയി ചാനുവും ഡിഫൻഡർ അഷാലത ദേവിയും തമ്മിലുണ്ടായ ആശയക്കുഴപ്പം മുതലെടുത്ത് എമെം പീസ് എസ്സിയൻ കിക്ക്സ്റ്റാർട്ടിനായി സമനില ഗോൾ കണ്ടെത്തി.
തുടർന്ന് കനത്ത മഴയെത്തുടർന്ന് മത്സരം അരമണിക്കൂറോളം നിർത്തിവെക്കേണ്ടി വന്നു. മഴയ്ക്ക് ശേഷം കളി പുനരാരംഭിച്ചപ്പോൾ ഇരു ടീമുകളും ആധിപത്യത്തിനായി പൊരുതി. 58-ാം മിനിറ്റിൽ 20 വാര അകലെ നിന്ന് അതിമനോഹരമായ ഒരു കിക്കിലൂടെ ടി. ബേബിസാന ദേവി കിക്ക്സ്റ്റാർട്ടിനായി വിജയഗോൾ നേടി. മത്സരം അവസാനിക്കുമ്പോൾ ഈസ്റ്റ് ബംഗാളിന്റെ സമ്മർദ്ദങ്ങളെ അതിജീവിച്ച് കിക്ക്സ്റ്റാർട്ട് വിജയം ഉറപ്പിച്ചു. മികച്ച പ്രകടനം കാഴ്ചവെച്ച സന്ധ്യ മൈറ്റിയാണ് പ്ലെയർ ഓഫ് ദി മാച്ച്.
മറ്റ് മത്സരങ്ങളിൽ ശ്രീഭൂമി എഫ്സി – സേസ ഫുട്ബോൾ അക്കാദമി മത്സരം 2-2 എന്ന നിലയിൽ സമനിലയിൽ പിരിഞ്ഞു. നിറ്റ എഫ്എയ്ക്കെതിരായ മത്സരത്തിൽ രണ്ടാം പകുതിയിലെ മികച്ച പ്രകടനത്തിലൂടെ സേതു എഫ്സി 3-1 എന്ന സ്കോറിന് വിജയം സ്വന്തമാക്കി.
Gokulam Kerala FC secured a commanding 6-2 win against Garhwal United FC.
| Photo Credit:
AIFF Media
Gokulam Kerala FC secured a commanding 6-2 win against Garhwal United FC.
| Photo Credit:
AIFF Media
മേയ് 07, 2026-ൽ പ്രസിദ്ധീകരിച്ചത്.