2025-ലെ വേനൽക്കാലത്ത് ഗുരുതരമായ പരിക്കേറ്റതിനെത്തുടർന്ന് എഫ്സി ബയേണിന്റെ സ്റ്റാർ താരം ജമാൽ മുസിയാലയ്ക്ക് നീണ്ട കാലം കളിക്കളത്തിന് പുറത്തിരിക്കേണ്ടി വന്നിരുന്നു. എന്നാൽ, പരിക്കിൽ നിന്ന് പൂർണ്ണമായി മുക്തി നേടിയ താരം ഇപ്പോൾ ടീമിനൊപ്പം സജീവമായി മടങ്ങിയെത്തിയിരിക്കുകയാണ്.

നിലവിലെ ഫോമിൽ തൃപ്തനാണ്, എങ്കിലും മെച്ചപ്പെടാനുണ്ട്: ജമാൽ മുസിയാല

സ്കൈ സ്പോർട്സിന് നൽകിയ അഭിമുഖത്തിൽ തന്റെ നിലവിലെ ഫോമിനെക്കുറിച്ച് ജമാൽ മുസിയാല പ്രതികരിച്ചു. “എനിക്ക് കൃത്യമായി പറയാൻ കഴിയില്ല. ചില സമയങ്ങളിൽ മികച്ച പ്രകടനം പുറത്തെടുക്കാൻ സാധിച്ചു, ചിലപ്പോൾ അത്ര നന്നായിരുന്നില്ല, അത് ഫുട്ബോളിൽ സ്വാഭാവികമാണ്,” 23-കാരനായ താരം പറഞ്ഞു.

അദ്ദേഹം തുടർന്നു: “വീണ്ടും താളം കണ്ടെത്താനും ടീമിലേക്ക് മടങ്ങിയെത്താനും സാധിച്ചത് നല്ല കാര്യമാണ്. ഞാൻ നേരത്തെ പറഞ്ഞതുപോലെ, ഇതുവരെ നേടാൻ കഴിഞ്ഞ കാര്യങ്ങളിൽ ഞാൻ വളരെ സന്തുഷ്ടനാണ്. എങ്കിലും ഇനിയും മുന്നോട്ട് പോകാനുണ്ടെന്നും, കഴിഞ്ഞ സീസണുമായി താരതമ്യം ചെയ്യുമ്പോൾ ചില കാര്യങ്ങൾ കൂടി മെച്ചപ്പെടുത്താനുണ്ടെന്നും എനിക്കറിയാം.“

“എങ്കിലും, മാസങ്ങൾക്ക് മുൻപ് ഞാൻ പ്രതീക്ഷിച്ചതുമായി താരതമ്യം ചെയ്യുമ്പോൾ, നിലവിൽ ഞാൻ എത്തിയ അവസ്ഥയിൽ ഞാൻ വളരെ വളരെ സംതൃപ്തനാണ്,” ബയേൺ താരം വ്യക്തമാക്കി.