പ്രീമിയർ ലീഗ് കിരീടം നേടിയ ആഴ്സണലിനെ അഭിനന്ദിച്ച് യുകെ പ്രധാനമന്ത്രി കെയർ സ്റ്റാർമർ

പ്രീമിയർ ലീഗ് കിരീടം ഔദ്യോഗികമായി സ്വന്തമാക്കിയ ആഴ്‌സണൽ ഫുട്ബോൾ ക്ലബിന് യുകെ പ്രധാനമന്ത്രി കിയർ സ്റ്റാർമർ അഭിനന്ദനമറിയിച്ചു. നോർത്ത് ലണ്ടൻ ക്ലബ്ബിന്റെ ഈ നേട്ടത്തിൽ അദ്ദേഹം വലിയ ആവേശമാണ് പ്രകടിപ്പിച്ചത്.

ആഴ്‌സണലിന്റെ കടുത്ത ആരാധകനായ സ്റ്റാർമർ, സോഷ്യൽ മീഡിയയിലൂടെയാണ് തന്റെ സന്തോഷം പങ്കുവെച്ചത്. രണ്ട് പതിറ്റാണ്ടിലേറെ നീണ്ട കാത്തിരിപ്പിനൊടുവിലാണ് ക്ലബ്ബ് ഇംഗ്ലീഷ് ടോപ് ഫ്ലൈറ്റ് കിരീടം വീണ്ടും സ്വന്തമാക്കുന്നത്.

“ആഴ്‌സണലിന്റെ 22 വർഷത്തെ നീണ്ട കാത്തിരിപ്പ് അവസാനിച്ചിരിക്കുന്നു. ഒടുവിൽ നമ്മൾ അർഹിച്ച സ്ഥാനത്ത് തിരിച്ചെത്തിയിരിക്കുന്നു. ചാമ്പ്യന്മാർ!” എന്ന് സ്റ്റാർമർ കുറിച്ചു.

2003/04 കാലഘട്ടത്തിലെ പ്രശസ്തമായ ‘ഇൻവിൻസിബിൾസ്’ ടീമിന് ശേഷം മിഖേൽ ആർട്ടെറ്റയുടെ കീഴിൽ കിരീടം നോർത്ത് ലണ്ടനിൽ തിരിച്ചെത്തുന്നത് കാണാൻ കാത്തിരുന്ന ലോകമെമ്പാടുമുള്ള ദശലക്ഷക്കണക്കിന് ആഴ്‌സണൽ ആരാധകരുടെ അതേ സന്തോഷമാണ് പ്രധാനമന്ത്രിയും പങ്കുവെച്ചത്.