ട്രെന്റ് അലക്സാണ്ടർ-അർനോൾഡ് റയൽ മാഡ്രിഡിലേക്ക് മാറിയതിന് പിന്നാലെ, ലിവർപൂളിൽ അദ്ദേഹത്തിന്റെ അഭാവം ശക്തമായി അനുഭവപ്പെടുന്നുണ്ടെന്ന് ആൻഡി റോബർട്ട്‌സൺ സമ്മതിക്കുന്നു.

‘ദ ഓവർലാപ്പ്’ എന്ന പരിപാടിയിൽ സംസാരിക്കവെയാണ് സ്കോട്‌ലൻഡ് ക്യാപ്റ്റൻ ഇക്കാര്യം വ്യക്തമാക്കിയത്. ആൻഫീൽഡ് വിടാനുള്ള അലക്സാണ്ടർ-അർനോൾഡിന്റെ തീരുമാനത്തെ “ധീരം” എന്ന് വിശേഷിപ്പിച്ച റോബർട്ട്‌സൺ, ക്ലബ്ബിൽ താരത്തെ എല്ലാവരും മിസ്സ് ചെയ്യുന്നുണ്ടെന്നും തുറന്നുപറഞ്ഞു.

“വർഷങ്ങളോളം താൻ വളർന്ന ക്ലബ്ബ് വിടുക എന്ന ധീരമായ തീരുമാനമാണ് അവൻ എടുത്തത്. ആ സമയത്ത് അവനെ നയിക്കാനാണ് ഞാൻ ശ്രമിച്ചത്. എന്നാൽ നേരത്തെ പറഞ്ഞതുപോലെ, അവൻ സ്വന്തം തീരുമാനങ്ങൾ എടുക്കാൻ പ്രാപ്തനാണ്. അവൻ തന്റെ തീരുമാനത്തിൽ ഉറച്ചുനിന്നു, അതിനെ നമ്മൾ ബഹുമാനിക്കണം.”

“ഒരു കളിക്കാരൻ എന്ന നിലയിൽ തീർച്ചയായും അവനെ ഞങ്ങൾക്ക് നഷ്ടമായിട്ടുണ്ട്, അതിൽ സംശയമില്ല. ടീമിലെ ഒരു വ്യക്തിത്വമെന്ന നിലയിലും അവനെ ഞങ്ങൾ മിസ്സ് ചെയ്യുന്നു. എങ്കിലും, പുതിയൊരു വെല്ലുവിളി ഏറ്റെടുക്കാൻ അവൻ തീരുമാനിച്ചു. ചില സമയങ്ങളിൽ നമ്മൾ അതിനെ അഭിനന്ദിക്കേണ്ടതുണ്ട്,” റോബർട്ട്‌സൺ കൂട്ടിച്ചേർത്തു.