പ്രീമിയർ ലീഗ് കിരീടപ്പോരാട്ടത്തിൽ ആഴ്സണലിന്റെ മാനസിക കരുത്തിനെ ചോദ്യം ചെയ്ത വിമർശകർക്ക് ചുട്ട മറുപടിയുമായി അർസണൽ താരം ബുക്കായോ സാക്ക രംഗത്ത്.

ഈ ആഴ്ച നടന്ന മത്സരത്തിൽ മാഞ്ചസ്റ്റർ സിറ്റി ബോൺമൗത്തിനോട് പോയിന്റുകൾ നഷ്ടപ്പെടുത്തിയതോടെയാണ് ആഴ്സണൽ പ്രീമിയർ ലീഗ് കിരീടം ഉറപ്പിച്ചത്.

ആഴ്സണലിന്റെ ഈ നേട്ടത്തെക്കുറിച്ച് പ്രതികരിക്കവെ, തങ്ങൾ വീണ്ടും കിരീടം കൈവിടുമെന്ന (bottle) ആരോപണങ്ങൾ കേട്ട് ടീം മടുത്തിരുന്നുവെന്ന് സാക്ക സമ്മതിച്ചു.

“ഞങ്ങളെക്കുറിച്ച് മറ്റുള്ളവർ പറയുന്ന കാര്യങ്ങളും ക്ലബ്ബിന് നേരിടേണ്ടി വന്ന പ്രതിസന്ധികളും ഞങ്ങൾക്ക് വ്യക്തമായി അറിയാമായിരുന്നു. ഒടുവിൽ ഞങ്ങൾ അത് സാധിച്ചെടുത്തു, ഇപ്പോൾ അത് ആസ്വദിക്കാനുള്ള സമയമാണ്. വിമർശകർ ഇപ്പോൾ ഒളിച്ചിരിക്കാൻ തുടങ്ങിയിട്ടുണ്ട്, ഞങ്ങൾ അവരെ കണ്ടെത്തും,” സാക്ക പറഞ്ഞു.

മറ്റ് പ്രമുഖ ക്ലബ്ബുകളെ അപേക്ഷിച്ച് ആഴ്സണലിനെതിരെയുള്ള വിമർശനങ്ങൾ പലപ്പോഴും അതിരുകടക്കാറുണ്ടെന്നും ഇംഗ്ലണ്ട് താരം അഭിപ്രായപ്പെട്ടു.

“ആഴ്സണലിനെക്കുറിച്ച് ആവശ്യമില്ലാത്ത കാര്യങ്ങൾ പോലും കൂടുതൽ ചർച്ച ചെയ്യപ്പെടുന്നു,” അദ്ദേഹം വ്യക്തമാക്കി.

ആഴ്സണലിന്റെ മുൻകാല പരാജയങ്ങളെ പരിഹസിച്ചുള്ള ട്രോളുകൾ ഈ സീസണിലുടനീളം ടീമിന് കൂടുതൽ കരുത്തുപകർന്നുവെന്നും സാക്ക കൂട്ടിച്ചേർത്തു.

“എല്ലാവരും കുപ്പികളുമായി (bottles) പരിഹസിക്കുന്നത് നമ്മൾ കണ്ടതാണ്. അതൊരു തരം തമാശയാണ്, ആളുകൾ അത് പറയട്ടെ, ഞങ്ങൾ അവർക്ക് തിരികെ മറുപടി നൽകും.”