യുവേഫ ചാമ്പ്യൻസ് ലീഗ് ഫൈനലിൽ പാരീസ് സെന്റ് ജെർമെനോട് (പിഎസ്ജി) പരാജയപ്പെട്ട ആഴ്‌സണലിന് ലക്ഷ്യബോധം (ambition) കുറവായിരുന്നുവെന്ന് മുൻ ബയേൺ മ്യൂണിക്ക്, ഫ്രാൻസ് പ്രതിരോധതാരം ബിക്സെന്റെ ലിസരാസു അഭിപ്രായപ്പെട്ടു.

നിശ്ചിത സമയത്ത് 1-1 എന്ന നിലയിൽ സമനിലയിൽ അവസാനിച്ച മത്സരം, പെനാൽറ്റി ഷൂട്ടൗട്ടിൽ 3-4 എന്ന സ്കോറിനാണ് ആഴ്‌സണൽ കൈവിട്ടത്.

ആഴ്‌സണൽ മനഃപൂർവ്വം തുറന്ന കളി ഒഴിവാക്കിയതാണോ എന്ന ചോദ്യത്തിന് മറുപടിയായി, പിഎസ്ജിയുടെ ആക്രമണങ്ങളെ തടയുക, സമയം പാഴാക്കി കളിയുടെ താളം തെറ്റിക്കുക എന്നിവയായിരുന്നു അവരുടെ പദ്ധതിയെന്ന് ലിസരാസു ചൂണ്ടിക്കാട്ടി. ആഴ്‌സണൽ മികച്ച രീതിയിൽ പ്രതിരോധിക്കുകയും ടീമിലെ കളിക്കാർ തമ്മിലുള്ള ഐക്യം നിലനിർത്തുകയും ചെയ്തു. ഇത് പിഎസ്ജിയെ നിരാശപ്പെടുത്തുകയും അവരുടെ സാധാരണ വേഗതയിൽ കളിക്കാൻ അനുവദിക്കാതിരിക്കുകയും ചെയ്തു. എന്നാൽ, മത്സരത്തിന്റെ നിയന്ത്രണം ഏറ്റെടുക്കുന്നതിൽ ആഴ്‌സണൽ പരാജയപ്പെട്ടുവെന്നും അദ്ദേഹം പറഞ്ഞു.

“അവർക്ക് ലക്ഷ്യബോധം കുറവായിരുന്നുവെന്നാണ് ഞാൻ കരുതുന്നത്. മത്സരത്തിന്റെ നിയന്ത്രണം ഏറ്റെടുക്കാനുള്ള ശേഷി ആഴ്‌സണലിനുണ്ടായിരുന്നു. പക്ഷേ, പിഎസ്ജിയെ തടയുക എന്നതിൽ മാത്രം ശ്രദ്ധ കേന്ദ്രീകരിച്ചതുകൊണ്ട് അവർ അതിന് മുതിർന്നില്ല,” ലിസരാസു പറഞ്ഞു.