ഈ വേനൽക്കാല ട്രാൻസ്ഫർ വിപണിയിൽ ഉദിനെസെ സെന്റർ ബാക്ക് ഉമർ സോലെറ്റിനെ ടീമിലെത്തിക്കാനുള്ള ചർച്ചകൾ ഇന്റർ മിലാൻ വേഗത്തിലാക്കിയതായി ലെക്വിപെ (L’Equipe) റിപ്പോർട്ട് ചെയ്യുന്നു.

ഇതുവരെ അന്തിമ കരാറിൽ ഇരുക്ലബ്ബുകളും എത്തിയിട്ടില്ല. ഫ്രഞ്ച് പ്രതിരോധ താരത്തെ സ്വന്തമാക്കുന്നതിനായി 30 മില്യൺ യൂറോ വരെ നൽകാൻ നെറാസൂരി തയ്യാറായേക്കും.

യൂറോപ്പിലെ ഏറ്റവും കരുത്തരായ സെന്റർ ബാക്കുകളിൽ ഒരാളായി ഉമർ സോലെറ്റ് വളർന്നത് നിരവധി പ്രമുഖ ക്ലബ്ബുകളുടെ ശ്രദ്ധ ആകർഷിച്ചിരുന്നു. എങ്കിലും സോലെറ്റിനെ സ്വന്തമാക്കാനുള്ള മത്സരത്തിൽ ഇപ്പോൾ ഇന്റർ മിലാൻ മുന്നിലെത്തിയിരിക്കുകയാണ്.

സ്റ്റെഫാൻ ഡി വ്രിജ്, ഫ്രാൻസെസ്കോ അച്ചെർബി എന്നിവരുടെ കരാർ അവസാനിക്കുന്ന സാഹചര്യത്തിൽ തങ്ങളുടെ പ്രതിരോധ നിരയെ ശക്തിപ്പെടുത്താനാണ് സിരി എ ചാമ്പ്യൻമാരായ ഇന്റർ മിലാൻ ലക്ഷ്യമിടുന്നത്.