ലിവർപൂളുമായുള്ള കരാർ അവസാനിച്ചതിന് പിന്നാലെ ഫ്രഞ്ച് സെന്റർ ബാക്ക് ഇബ്രാഹിമ കൊണാട്ടെയെ റയൽ മാഡ്രിഡ് സ്വന്തമാക്കുന്നു. ട്രാൻസ്ഫർ ഫീ ഇല്ലാതെ താരം റയലിൽ ചേരുമെന്ന് Liverpool-transfer/” class=” _text_FspwUDV-oz9-vSIM _text–link_4pCK26e9mAZ2r8t6 _text–body-1_O_JG_hLEnjRheCcL _sb__text_3o_u2Y_bHrs8YAp- _sb__text–link_rW2Xw4fG0CyOUVRl analytics-link–click ” target=”_blank” data-google-interstitial=”false” rel=”nofollow “>ദി അത്‌ലറ്റിക് റിപ്പോർട്ട് ചെയ്യുന്നു. ഫ്ലോറന്റീനോ പെരസ് വ്യാഴാഴ്ച ഇക്കാര്യം ഔദ്യോഗികമായി പ്രഖ്യാപിക്കുമെന്നാണ് പ്രതീക്ഷിക്കുന്നത്.

2024 ഒക്ടോബർ മുതൽ ലിവർപൂളുമായി കരാർ പുതുക്കുന്നതിനെക്കുറിച്ച് കൊണാട്ടെ ചർച്ചകൾ നടത്തിയിരുന്നുവെങ്കിലും അന്തിമ തീരുമാനത്തിലെത്താൻ ഇരുപക്ഷത്തിനും സാധിച്ചില്ല. ലിവർപൂൾ വിടുന്ന കാര്യം സ്ഥിരീകരിച്ചുകൊണ്ട്, “ഇതൊരു എളുപ്പമുള്ള വിടവാങ്ങലല്ല, എന്നാൽ പുതിയൊരു വെല്ലുവിളിക്കും പുതിയൊരു അധ്യായത്തിനും സമയമായിരിക്കുന്നു,” എന്ന് താരം ക്ലബ്ബ് ആരാധകരോട് പ്രതികരിച്ചു.

ഡേവിഡ് അലാബയുടെ വിടവാങ്ങലിനും എഡർ മിലിറ്റാവോയുടെ ഹാംസ്ട്രിംഗ് പരിക്കിനും ശേഷം റയൽ മാഡ്രിഡ് പ്രതിരോധ നിരയിൽ കടുത്ത പ്രതിസന്ധി നേരിട്ടിരുന്നു. മിലിറ്റാവോ നാല് മാസത്തോളം പുറത്തിരിക്കുമെന്നാണ് റിപ്പോർട്ടുകൾ. ഈ സാഹചര്യം കണക്കിലെടുത്ത് റയൽ മാഡ്രിഡ് നേരത്തെ താൽപ്പര്യം കുറച്ചിരുന്ന കൊണാട്ടെയെ വീണ്ടും ടീമിലെത്തിക്കാൻ ശ്രമങ്ങൾ ഊർജ്ജിതമാക്കുകയായിരുന്നു.

ചുമതലയേൽക്കുന്ന പരിശീലകൻ ജോസ് മൗറീഞ്ഞോ സെന്റർ ഡിഫൻസിന് മുൻഗണന നൽകിയിരുന്നു. ലിവർപൂളിനായി 183 മത്സരങ്ങൾ കളിക്കുകയും ഫ്രാൻസിനായി 27 തവണ ബൂട്ടണിയുകയും ചെയ്ത കൊണാട്ടെയുടെ പ്രീമിയർ ലീഗ് പരിചയസമ്പത്ത് റയലിന് വലിയ മുതൽക്കൂട്ടാകും.

ഞായറാഴ്ച നടക്കാനിരിക്കുന്ന പ്രസിഡന്റ് തിരഞ്ഞെടുപ്പിന് മൂന്ന് ദിവസം മുമ്പായിരിക്കും ഔദ്യോഗിക പ്രഖ്യാപനം.