ലിവർപൂളിന്റെ കളിശൈലിയിൽ തീവ്രതയും ആക്രമണോത്സുകതയും വർധിപ്പിക്കുമെന്ന് പരിശീലകൻ അൻഡോണി ഇറോള വ്യക്തമാക്കി. മുൻ സീസണിലെ ആർനെ സ്ലോട്ടിന്റെ ശൈലിയെക്കാൾ ഉയർന്ന വേഗതയിലുള്ള കളിയായിരിക്കും ലിവർപൂൾ ഇനി പുറത്തെടുക്കുകയെന്ന് അദ്ദേഹം സൂചിപ്പിച്ചു.

“പ്രീമിയർ ലീഗിൽ ഇതിനകം മൂന്ന് വർഷത്തെ അനുഭവസമ്പത്ത് എനിക്കുണ്ട്. ബോൺമൗത്ത് എങ്ങനെയാണ് കളിക്കുന്നത് എന്ന് ആളുകൾ കണ്ടിട്ടുണ്ടാവുമല്ലോ,” ഇറോള പറഞ്ഞു.

“ലിവർപൂളിനെ പരിശീലിപ്പിക്കുമ്പോൾ തീർച്ചയായും ചില കാര്യങ്ങളിൽ മാറ്റം വരുത്തേണ്ടതുണ്ട്. എന്നാൽ ടീമിന്റെ അടിസ്ഥാന സ്വഭാവങ്ങളായ തീവ്രത, ആക്രമണോത്സുകത, സംഘാടനം എന്നിവ നഷ്ടപ്പെടുത്താൻ ഞാൻ ആഗ്രഹിക്കുന്നില്ല. എന്റെ ടീമിൽ എപ്പോഴും നിലനിർത്താൻ ആഗ്രഹിക്കുന്ന കാര്യങ്ങളാണിവ.”

“തീർച്ചയായും നമ്മുടെ പക്കലുള്ള കളിക്കാർക്കനുസരിച്ച് ശൈലിയിൽ മാറ്റം വരുത്തണം. ഓരോ ക്ലബ്ബിലും സാഹചര്യങ്ങൾ വ്യത്യസ്തമാണ്. എങ്കിലും ലിവർപൂൾ വർഷങ്ങളായി പിന്തുടരുന്ന ശൈലിയുമായി പൊരുത്തപ്പെടുന്ന ചില അടിസ്ഥാന തത്വങ്ങൾ നമുക്കുണ്ട്. ഇത് ടീമിൽ ഫലപ്രദമായി നടപ്പിലാക്കാൻ സാധിക്കുമെന്ന് ഞാൻ വിശ്വസിക്കുന്നു.”