റയൽ മാഡ്രിഡ് പ്രസിഡന്റ് സ്ഥാനത്തേക്ക് മത്സരിക്കുന്ന 37-കാരനായ വ്യവസായി എൻറിക് റിക്കൽമെ തന്റെ തിരഞ്ഞെടുപ്പ് ക്യാമ്പയിനിലേക്ക് മുൻ റയൽ മാഡ്രിഡ്, സ്പെയിൻ ദേശീയ ടീം പരിശീലകൻ വിസെന്റെ ഡെൽ ബോസ്കെയെ ഉൾപ്പെടുത്തി. റയൽ മാഡ്രിഡ് ക്ലബ്ബിന്റെ പ്രസിഡന്റ് തിരഞ്ഞെടുപ്പ് പ്രക്രിയയിലാണ് ഈ പ്രഖ്യാപനം.

“റയൽ മാഡ്രിഡിന്റെ നന്മയ്ക്കായി പൂർണ്ണമായും നിസ്വാർത്ഥമായാണ് അദ്ദേഹം ഞങ്ങളുടെ പ്രോജക്റ്റിന്റെ ഭാഗമാകുന്നത്,” എന്ന് എൻറിക് റിക്കൽമെ വ്യക്തമാക്കി.

താാൻ തിരഞ്ഞെടുപ്പിൽ വിജയിച്ചാൽ റൗൾ റയൽ മാഡ്രിഡിന്റെ സ്പോർട്ടിംഗ് ഡയറക്ടറാകുമെന്നും, ഫെർണാണ്ടോ ഹിയേറോ യൂത്ത് അക്കാദമിയുടെ തലവനായി ചുമതലയേൽക്കുമെന്നും റിക്കൽമെ നേരത്തെ അറിയിച്ചിരുന്നു. ഇതിനുപുറമെ, താൻ പ്രസിഡന്റായാൽ ഐകർ കാസില്ലസിനെ റയൽ മാഡ്രിഡിന്റെ എക്സിക്യൂട്ടീവ് സ്ഥാനത്തേക്ക് നിയമിക്കുമെന്നും റിക്കൽമെ പ്രസ്താവിച്ചു.