ചെൽസിയുടെ സഹ-ഉടമകളുടെ വ്യത്യസ്തമായ സമീപനങ്ങൾ മുൻ പരിശീലകൻ മൗറീഷ്യോ പോച്ചെറ്റിനോ വെളിപ്പെടുത്തി. 2024-ലെ കാരബാവോ കപ്പ് ഫൈനലിൽ ലിവർപൂളിനോട് പരാജയപ്പെട്ടതിന് ശേഷം, ടോഡ് ബോലിയുടെ സന്ദേശം ലഭിച്ചതായും എന്നാൽ ബെഹ്ദാദ് എഗ്ബാലിയെ നേരിട്ട് കണ്ടതായും അദ്ദേഹം വ്യക്തമാക്കിയിരുന്നു.

ക്ലബ്ബിൽ ആരുടെ തീരുമാനങ്ങൾക്കാണ് മുൻതൂക്കമുള്ളതെന്ന് വ്യക്തമാക്കുന്ന സൂചനയായാണ് ഈ വ്യത്യാസത്തെ പലരും നോക്കിക്കണ്ടത്.

അതേ സീസണിലെ അവസാന മത്സരത്തിന് മുൻപ് ബോലിയോടൊപ്പം താൻ അത്താഴം കഴിച്ചിരുന്നതായി പോച്ചെറ്റിനോ വെളിപ്പെടുത്തി. എന്നാൽ, എഗ്ബാലിയുമായും സ്പോർട്ടിംഗ് ഡയറക്ടർമാരായ പോൾ വിൻസ്റ്റാൻലി, ലോറൻസ് സ്റ്റുവർട്ട് എന്നിവരുമായും നടത്തിയ രണ്ട് ദിവസത്തെ ചർച്ചകൾക്കൊടുവിലാണ് അർജന്റീനക്കാരനായ പരിശീലകൻ സ്ഥാനമൊഴിയുന്നത് സംബന്ധിച്ച പ്രഖ്യാപനം ഉണ്ടായത്.

പോച്ചെറ്റിനോയെ രണ്ടാമതൊരു സീസണിൽ കൂടി നിലനിർത്തണമെന്ന അഭിപ്രായക്കാരനായിരുന്നു ബോലി. എന്നാൽ, ഭൂരിപക്ഷം പേരും തനിക്കൊപ്പമല്ലെന്ന് തിരിച്ചറിഞ്ഞ ബോലി ഈ തീരുമാനത്തിൽ നിന്ന് പിന്മാറുകയായിരുന്നു.