മാഞ്ചസ്റ്റർ യുണൈറ്റഡിന്റെ മുൻ വിങ്ങർ അന്റോണി തന്റെ റയൽ ബെറ്റിസിലെ കാലഘട്ടം വ്യക്തിപരമായും തൊഴിൽപരമായും വലിയ മാറ്റങ്ങൾ കൊണ്ടുവന്ന ഒന്നാണെന്ന് വിശേഷിപ്പിച്ചു. ഈ ക്ലബ്ബ് മാറ്റം ഫുട്ബോളിനോടുള്ള തന്റെ ഇഷ്ടം വീണ്ടെടുക്കാനും കളത്തിന് പുറത്ത് സന്തോഷം കണ്ടെത്താനും സഹായിച്ചുവെന്ന് താരം പറഞ്ഞു.

ഈ സീസണിൽ എല്ലാ മത്സരങ്ങളിലുമായി 14 ഗോളുകളും 10 അസിസ്റ്റുകളും താരം സ്വന്തമാക്കിയിട്ടുണ്ട്. സെവിയ്യയിലേക്കുള്ള തന്റെ ഈ കൂടുമാറ്റം എന്ത് അർത്ഥമാക്കുന്നു എന്നതിനെക്കുറിച്ച് ESPN ബ്രസീലിനോട് താരം സംസാരിച്ചു.

“സ്വയം കണ്ടെത്താനും വീണ്ടും സന്തോഷവാനാകാനും വേണ്ടിയാണ് ഞാൻ അവിടെ എത്തിയത്. ഫുട്ബോളിലും കുടുംബജീവിതത്തിലും എന്റെ ജീവിതത്തിലെ ഏറ്റവും മികച്ച നിമിഷങ്ങളിലൂടെയാണ് ഞാൻ ഇന്ന് കടന്നുപോകുന്നത്. എല്ലാവരും വളരെ സന്തോഷത്തിലാണ്, അതുകൊണ്ട് തന്നെ ഫുട്ബോൾ വളരെ സ്വാഭാവികമായി മുന്നോട്ട് പോകുന്നു,” അന്റോണി വ്യക്തമാക്കി.