വരാനിരിക്കുന്ന സമ്മർ ട്രാൻസ്ഫർ ജാലകത്തിന് മുന്നോടിയായി ക്ലബ്ബിന്റെ ട്രാൻസ്ഫർ നയം വ്യക്തമാക്കി ബയേൺ മ്യൂണിക്ക് പ്രസിഡന്റ് ഹെർബർട്ട് ഹെയ്‌നർ രംഗത്ത്.

ക്ലബ്ബിന്റെ ഏറ്റവും വലിയ ആരാധക കൂട്ടായ്മയായ ‘നാബ്‌ബർഗ്’ ഫാൻ ക്ലബ്ബിന്റെ 35-ാം വാർഷിക ആഘോഷവേളയിലായിരുന്നു ഹെയ്‌നറുടെ പരാമർശം. 6,700-ലധികം അംഗങ്ങളാണ് ഈ ഫാൻ ക്ലബ്ബിലുള്ളത്.

പുതിയ താരങ്ങളെക്കുറിച്ചുള്ള സൂചനകൾ ലഭിക്കുമെന്ന് പ്രതീക്ഷിച്ച ആരാധകരോട്, വ്യക്തിപരമായ പേരുകൾ പരാമർശിക്കാതെ സ്‌ക്വാഡ് പ്ലാനിംഗിനെക്കുറിച്ചുള്ള ക്ലബ്ബിന്റെ കാഴ്ചപ്പാടാണ് ഹെയ്‌നർ പങ്കുവെച്ചത്.

ട്രാൻസ്ഫർ ജാലകത്തിലെ അഭ്യൂഹങ്ങൾക്ക് മറുപടി നൽകുന്നതിന് പകരം, യൂറോപ്യൻ ഫുട്ബോളിലെ വർദ്ധിച്ചുവരുന്ന ട്രാൻസ്ഫർ തുകയ്ക്കിടയിലും സാമ്പത്തിക സുരക്ഷിതത്വം കാത്തുസൂക്ഷിക്കേണ്ടതിന്റെ ആവശ്യകത അദ്ദേഹം ഊന്നിപ്പറഞ്ഞു.

സാബനർ സ്ട്രാസെയിലെ ക്ലബ്ബിന്റെ തന്ത്രങ്ങളെക്കുറിച്ച് വ്യക്തമായ സന്ദേശം നൽകിയ ഹെയ്‌നർ, സമ്മർ ട്രാൻസ്ഫർ വിപണിയിൽ “ഭ്രാന്തമായ ഇടപാടുകൾ” (crazy deals) ഉണ്ടാവില്ലെന്ന് വ്യക്തമാക്കി.