റൊമേലു ലുകാകുവിനായി 10 ദശലക്ഷം യൂറോ എന്ന കുറഞ്ഞ തുക മാത്രം ട്രാൻസ്ഫർ തുകയായി നിശ്ചയിച്ച് നാപ്പോളി പ്രസിഡന്റ് ഓറെലിയോ ഡി ലോറന്റിസ്. ടൂട്ടോ മെർക്കാറ്റോ വെബ് ആണ് ഇത് സംബന്ധിച്ച റിപ്പോർട്ടുകൾ പുറത്തുവിട്ടത്.

2024-ൽ ലുകാകുവിനെ സ്വന്തമാക്കാൻ ഇറ്റാലിയൻ ക്ലബ്ബായ നാപ്പോളി ചെലവാക്കിയ 30 ദശലക്ഷം യൂറോയുമായി താരതമ്യം ചെയ്യുമ്പോൾ, ഈ പുതിയ വില വലിയൊരു സാമ്പത്തിക നഷ്ടമാണ് ക്ലബ്ബിന് വരുത്തുന്നത്.

ആന്റോണിയോ കോണ്ടെയുടെ കീഴിൽ പരിക്ക് വലച്ച സീസണിലൂടെയായിരുന്നു ബെൽജിയൻ സ്ട്രൈക്കർ കടന്നുപോയത്. തുടയിൽ ഗുരുതരമായി പരിക്കേറ്റ താരം ക്ലബ്ബിനായി ഏഴ് മത്സരങ്ങളിൽ മാത്രമാണ് കളിച്ചത്.

ക്ലബ് എക്സിക്യൂട്ടീവുകളുമായുള്ള ബന്ധത്തിൽ ഉണ്ടായ തകർച്ചയും സമ്മർ ട്രാൻസ്ഫർ വിൻഡോയ്ക്ക് മുന്നോടിയായി താരത്തിന്റെ വിപണി മൂല്യം കുറയാൻ കാരണമായി.

എങ്കിലും, ക്ലബ്ബിന്റെ പുതിയ മാനേജറായി ചുമതലയേൽക്കുന്ന മാസിമിലിയാനോ അല്ലെഗ്രി ലുകാകുവിന്റെ ഈ വിടവാങ്ങലിനെ തടഞ്ഞേക്കാം. ബെൽജിയൻ താരത്തിന്റെ കഴിവിനെ ഏറെ വിലമതിക്കുന്ന പരിശീലകനാണ് അദ്ദേഹം.