“യാതൊരു മടിയുമില്ലാതെ ബാലൺ ഡി ഓർ ഉപേക്ഷിച്ച് ഞാൻ ലോകകപ്പ് തിരഞ്ഞെടുക്കും. രാജ്യത്തിന് വേണ്ടി കിരീടം നേടുക എന്നത് ഏറ്റവും സവിശേഷമായ കാര്യമായാണ് ഞാൻ കാണുന്നത്,” റോഡ്രി പറഞ്ഞു.

“എന്റെ കരിയറിൽ ഞാൻ സ്വന്തമാക്കിയതിൽ ഏറ്റവും പ്രധാനപ്പെട്ട നേട്ടം യൂറോപ്യൻ ചാമ്പ്യൻഷിപ്പാണ്. എന്നാൽ ലോകകപ്പാണ് ഏത് താരത്തിന്റെയും കരിയറിലെ ഏറ്റവും വലിയ ലക്ഷ്യം. ഇതിന് വേണ്ടിയാണ് ഞങ്ങൾ കളിക്കുന്നത്. ടീം ക്യാപ്റ്റൻ എന്ന നിലയിൽ ലോകകപ്പ് ഉയർത്തുന്നതിനെക്കുറിച്ച് ഞാൻ ഇതുവരെ ചിന്തിച്ചിട്ടില്ല, കാരണം ഇനിയും ഒരുപാട് ദൂരം മുന്നിലുണ്ട്. വലിയൊരു യാത്രയാണിത്, ഓരോ ഘട്ടമായി നമുക്ക് മുന്നോട്ട് പോകാം,” അദ്ദേഹം കൂട്ടിച്ചേർത്തു.

2026 ലോകകപ്പിൽ ഉറുഗ്വേ, സൗദി അറേബ്യ, കേപ് വേർഡ് എന്നിവർ ഉൾപ്പെടുന്ന ഗ്രൂപ്പിലാണ് സ്പെയിൻ മത്സരിക്കുന്നത്.