മാഞ്ചസ്റ്റർ യുണൈറ്റഡിൽ ആന്ദ്രെ ഒനാനയുടെ ഫോം മങ്ങാൻ കാരണം കോച്ചിംഗ് സ്റ്റാഫിലെ മാറ്റങ്ങളെന്ന് റിപ്പോർട്ട്

മാഞ്ചസ്റ്റർ യുണൈറ്റഡ് ഗോൾകീപ്പർ ആന്ദ്രെ ഒനാനയുടെ പ്രകടനത്തിലുണ്ടായ ഇടിവിന് ടീമിലെ കോച്ചിംഗ് സ്റ്റാഫിലുണ്ടായ മാറ്റങ്ങൾ കാരണമായതായി ‘ദ സൺ’ റിപ്പോർട്ട് ചെയ്യുന്നു.

കഴിഞ്ഞ വർഷം ടീമിലെത്തിയ ഗോൾകീപ്പിംഗ് കോച്ച് ജെല്ലെ ടെൻ റൗവെലറുമായി ഒനാന മികച്ചൊരു ബന്ധം സ്ഥാപിച്ചിരുന്നു. എറിക് ടെൻ ഹാഗിന്റെ സംഘത്തെ ശക്തിപ്പെടുത്താൻ കഴിഞ്ഞ വേനൽക്കാലത്താണ് 45-കാരനായ ഡച്ച് പരിശീലകൻ ഓൾഡ് ട്രാഫോർഡിലെത്തിയത്. യുണൈറ്റഡിലെ ആദ്യ വർഷത്തിൽ പ്രയാസപ്പെട്ട ഒനാനയുമായി പെട്ടെന്നുതന്നെ മികച്ചൊരു ബന്ധം വളർത്തിയെടുക്കാൻ ടെൻ റൗവെലറിന് സാധിച്ചു.

എന്നാൽ, റൂബൻ അമോറിം പരിശീലകനായി ചുമതലയേറ്റതിന് പിന്നാലെ ടെൻ റൗവെലർ ടീം വിട്ടു. അദ്ദേഹത്തിന് പകരമായി ജോർജ് വിറ്റൽ എത്തിയതോടെ ഒനാനയുടെ പ്രകടനത്തിൽ മങ്ങലുണ്ടായെന്നാണ് വിലയിരുത്തൽ. എറിക് ടെൻ ഹാഗുമായി അടുത്ത ബന്ധം പുലർത്തിയിരുന്ന ഒനാനയ്ക്ക് പുതിയ പരിശീലകൻ അമോറിയുമായുള്ള ബന്ധം അത്ര മികച്ചതായിരുന്നില്ല.

2025 വേനൽക്കാലത്ത് കാമറൂൺ ഗോൾകീപ്പർ ലോൺ അടിസ്ഥാനത്തിൽ ട്രാബ്സോൺസ്പോറിലേക്ക് മാറി. ഈ വേനൽക്കാലത്ത് പ്രീ-സീസൺ പരിശീലനത്തിനായി താരം തിരിച്ചെത്തിയേക്കുമെങ്കിലും, ഇനി യുണൈറ്റഡിന് വേണ്ടി ഒനാന കളിക്കാൻ സാധ്യതയില്ലെന്നാണ് റിപ്പോർട്ടുകൾ സൂചിപ്പിക്കുന്നത്.