ഇറാൻ മാത്രമല്ല, റഫറിമാർ ഉൾപ്പെടെയുള്ള മറ്റ് പലരും സമാനമായ പ്രശ്നങ്ങൾ നേരിട്ടിട്ടുണ്ടെന്ന് അദ്ദേഹം പറഞ്ഞു.

“ഇവിടെ എത്തിയ നിമിഷം മുതൽ ഞാൻ സമ്മർദ്ദം അനുഭവിക്കുന്നുണ്ട്. മുൻ ലോകകപ്പുകളിൽ താൻ അനുഭവിച്ചിട്ടുള്ള മനോഹരമായ അന്തരീക്ഷം ഇത്തവണ അനുഭവപ്പെടുന്നില്ല,” തരേമി വ്യക്തമാക്കി.

“സമാധാനത്തെയും സന്തോഷത്തെയും കുറിച്ച് നമ്മൾ സംസാരിക്കാറുണ്ട്, എന്നാൽ ഇത്തവണത്തെ അനുഭവം അതല്ലെന്ന് വ്യക്തമാണ്. ഇത് ഞങ്ങൾ മാത്രമുള്ള പ്രശ്നമല്ല. പല രാജ്യങ്ങൾക്കും വിസ സംബന്ധമായ ബുദ്ധിമുട്ടുകൾ നേരിടേണ്ടി വരികയും പരിശീലന ക്യാമ്പുകൾ മാറ്റേണ്ടിയും വന്നു.”

“ലോകകപ്പിന് വേണ്ടിയുള്ള സാധാരണ ആവേശവും കാത്തിരിപ്പും ഇത്തവണ ആളുകളിൽ കാണാനില്ല. ഇത്തരം സമ്മർദ്ദങ്ങൾ ഫുട്ബോൾ സമാധാനം കൊണ്ടുവരുന്നു എന്ന ഫിഫയുടെയും നമ്മളോരോരുത്തരുടെയും സന്ദേശത്തെ ദുർബലപ്പെടുത്തുകയാണ്.”

“ഇപ്പോഴത്തേതിനേക്കാൾ മികച്ച അന്തരീക്ഷം ഈ ലോകകപ്പിന് ഉണ്ടാകാമായിരുന്നു. ഏത് ടീമിനെ പിന്തുണയ്ക്കുന്നവരായാലും ലോകകപ്പ് ആരാധകർക്ക് വേണ്ടി ഭാവിയിൽ കാര്യങ്ങൾ കൂടുതൽ മെച്ചപ്പെടുമെന്ന് ഞാൻ പ്രതീക്ഷിക്കുന്നു,” അദ്ദേഹം കൂട്ടിച്ചേർത്തു.