2026 ഫിഫ ലോകകപ്പിൽ നെതർലൻഡ്‌സുമായുള്ള മത്സരത്തിൽ 2-2 എന്ന നിലയിൽ സമനില പിടിച്ചതോടെ ജപ്പാൻ നിർണായകമായ ഒരു പോയിന്റ് സ്വന്തമാക്കി.

ഈ ഫലം ജപ്പാനിലെ മത്സരങ്ങൾ തത്സമയം കണ്ടുകൊണ്ടിരുന്ന വലിയൊരു വിഭാഗം ആരാധകർക്ക് വലിയ ആവേശമാണ് നൽകിയത്.

മത്സരശേഷം ഷിബുയയിലെ തെരുവുകളിൽ ജപ്പാൻ ആരാധകർ വിജയം ആഘോഷിക്കുന്നതിന്റെ വീഡിയോ ഇപ്പോൾ സാമൂഹിക മാധ്യമങ്ങളിൽ വൈറലായിരിക്കുകയാണ്.

ട്രാഫിക് സിഗ്നലിൽ ചുവപ്പ് ലൈറ്റ് തെളിയുമ്പോൾ തന്നെ ജപ്പാൻ ആരാധകരുടെ വലിയൊരു സംഘം റോഡിലേക്ക് ഇറങ്ങുകയും ടീമിന്റെ പ്രകടനത്തിൽ സന്തോഷം പങ്കുവെക്കുകയും ചെയ്യുന്നതാണ് ദൃശ്യങ്ങളിലുള്ളത്.

എന്നാൽ, സിഗ്നൽ പച്ചയാകുന്നതോടെ വാഹനഗതാഗതത്തിന് തടസ്സമില്ലെന്ന് ഉറപ്പുവരുത്താൻ ഇവർ അച്ചടക്കത്തോടെ റോഡിൽ നിന്ന് മാറി നടപ്പാതയിലേക്ക് തിരികെ കയറുകയും ചെയ്യുന്നുണ്ട്.