ബയേൺ മ്യൂണിക്കിൽ തിളങ്ങി മൈക്കൽ ഒലിസെ; തന്റെ ശൈലിയെക്കുറിച്ച് താരം
ബയേൺ മ്യൂണിക്കിലേക്ക് മാറിയതിന് ശേഷം മികച്ച പ്രകടനമാണ് മൈക്കൽ ഒലിസെ പുറത്തെടുക്കുന്നത്. ടീമിലെത്തിയ താരം ഇതിനകം തന്നെ ക്ലബ്ബിന്റെ പ്രധാന താരമായി മാറിക്കഴിഞ്ഞു. മൈക്കൽ ഒലിസെയുടെ കളിമികവിനെക്കുറിച്ച് ബയേൺ പരിശീലകൻ വിൻസെന്റ് കമ്പനി നേരത്തെ വലിയ അഭിപ്രായമാണ് രേഖപ്പെടുത്തിയത്. ഒലിസെ വളരെ ബുദ്ധിമാനായ കളിക്കാരനാണെന്നും, പിച്ചിൽ ഇറങ്ങുമ്പോൾ സമയം ഇഴഞ്ഞു നീങ്ങുന്നത് പോലെയാണ് അദ്ദേഹത്തിന്റെ നീക്കങ്ങളെന്നും കമ്പനി വിലയിരുത്തിയിരുന്നു.
ഹൈസ്നോബിയറ്റിന് (Highsnobiety) നൽകിയ അഭിമുഖത്തിൽ ഈ പ്രശംസകളെക്കുറിച്ച് ഫ്രഞ്ച് താരത്തോട് ചോദിക്കുകയുണ്ടായി. തന്റെ കളിയെക്കുറിച്ചുള്ള പരിശീലകന്റെ അഭിപ്രായത്തോട് ഒലിസെ വളരെ വിനീതമായാണ് പ്രതികരിച്ചത്.
“എന്റെ കളിക്കുന്ന രീതി കാണുമ്പോൾ കാര്യങ്ങൾ പതിയെ നടക്കുന്നതാണെന്ന് തോന്നാം. എന്നാൽ പിച്ചിൽ ഇറങ്ങുമ്പോൾ കാര്യങ്ങൾ അത്ര സാവധാനത്തിലാണോ നടക്കുന്നത് എന്ന് എനിക്ക് അറിയില്ല,” വിങ്ങർ തമാശരൂപേണ പറഞ്ഞു.
തന്റെ നീക്കങ്ങൾ സ്വാഭാവികമായി സംഭവിക്കുന്നതാണെന്നും അദ്ദേഹം വ്യക്തമാക്കി. “ഇതൊരു മസിൽ മെമ്മറിയാണ്. ഞാൻ പ്രധാനമായും ഇൻസ്റ്റിങ്ക്റ്റ് (അന്തർജ്ഞാനം) ഉപയോഗിച്ചാണ് കളിക്കുന്നത്,” തന്റെ കളിയിലെ അനായാസതയെക്കുറിച്ച് ഒലിസെ വിശദീകരിച്ചു.