മാഞ്ചസ്റ്റർ യുണൈറ്റഡ് താരവും ഐവറികോസ്റ്റ് വിങ്ങറുമായ അമാദ് ദിയാലോ 2026 ലോകകപ്പിൽ ഒരു കൊച്ചു ആരാധകനോട് കാണിച്ച സ്നേഹനിർഭരമായ പെരുമാറ്റം ഫുട്ബോൾ ലോകത്ത് ശ്രദ്ധ നേടുന്നു.

ഇക്വഡോറിനെതിരായ മത്സരത്തിൽ ഐവറികോസ്റ്റിനായി വിജയഗോൾ നേടിയതിന് പിന്നാലെയാണ് സംഭവം. ഗാലറിയിൽ ആവേശത്തോടെ നിൽക്കുന്ന ബാലനെ ശ്രദ്ധയിൽപ്പെട്ട താരം, സുരക്ഷാ തടസ്സം വകവെക്കാതെ അവനെ അങ്ങോട്ട് ഉയർത്തിപ്പിടിച്ച് ഒപ്പം നിന്ന് ചിത്രം എടുത്തു.

അമാദും കൊച്ചു ആരാധകനും സന്തോഷത്തോടെ ക്യാമറയ്ക്ക് പോസ് ചെയ്യുന്നതും ചിത്രങ്ങളിൽ കാണാം.

ലോകകപ്പ് ടൂർണമെന്റിനിടെ ആരാധകന് മനോഹരമായൊരു ഓർമ്മ സമ്മാനിച്ച ഐവറികോസ്റ്റ് താരത്തിന്റെ ഈ പ്രവൃത്തി ഇതിനകം സാമൂഹിക മാധ്യമങ്ങളിൽ വൈറലായി കഴിഞ്ഞു.