ഫുട്ബോൾ ലോകകപ്പ് ചരിത്രത്തിൽ ഏറ്റവും കൂടുതൽ പെനാൽറ്റി ഗോളുകൾ നേടിയ താരമെന്ന റെക്കോർഡ് ഇംഗ്ലണ്ട് ഫോർവേഡ് ഹാരി കെയ്ൻ സ്വന്തമാക്കി.

2026 ലോകകപ്പിന്റെ ഒന്നാം റൗണ്ടിൽ ക്രൊയേഷ്യയ്‌ക്കെതിരായ മത്സരത്തിലാണ് കെയ്ൻ ഈ നേട്ടം കൈവരിച്ചത്. മത്സരത്തിന്റെ 12-ാം മിനിറ്റിൽ പെനാൽറ്റിയിലൂടെ ഗോൾ നേടിയ കെയ്ൻ, 42-ാം മിനിറ്റിൽ ഓപ്പൺ പ്ലേയിലൂടെയും ലക്ഷ്യം കണ്ടു.

ലോകകപ്പിൽ കെയ്ൻ നേടുന്ന അഞ്ചാമത്തെ പെനാൽറ്റി ഗോളാണിത്.

ഇതോടെ ലോകകപ്പ് ചരിത്രത്തിൽ പെനാൽറ്റി ഷൂട്ടൗട്ടുകൾ ഒഴികെ ഏറ്റവും കൂടുതൽ പെനാൽറ്റികൾ ഗോളാക്കിയ താരമായി ഹാരി കെയ്ൻ മാറി.

തന്റെ കരിയറിലെ മൂന്നാമത്തെ ലോകകപ്പിലാണ് താരം ഈ റെക്കോർഡ് കുറിച്ചത്.

അർജന്റീനയുടെ ലയണൽ മെസ്സി ലോകകപ്പിൽ ആറ് പെനാൽറ്റികളിൽ നിന്ന് നാലെണ്ണം ഗോളാക്കിയപ്പോൾ, കെയ്ൻ ആറ് പെനാൽറ്റികളിൽ നിന്ന് അഞ്ച് ഗോളുകൾ നേടി മുന്നിലെത്തി.