ചെൽസി അക്കാദമി സ്‌ട്രൈക്കർ ജിമ്മി-ജയ് മോർഗൻ വെസ്റ്റ് ബ്രോമിലേക്ക് മാറുന്നു. ചാമ്പ്യൻഷിപ്പ് ക്ലബ്ബായ വെസ്റ്റ് ബ്രോമുമായി സ്ഥിരമായ കരാറിൽ ഒപ്പുവെക്കാൻ ചെൽസി ധാരണയിലെത്തി.

കഴിഞ്ഞ സീസണിൽ ലീഗ് വൺ ക്ലബ്ബായ പീറ്റർബറോ യുണൈറ്റഡിൽ ലോൺ അടിസ്ഥാനത്തിൽ കളിച്ച 20 വയസ്സുകാരനായ ഈ താരം, 39 മത്സരങ്ങളിൽ നിന്ന് 14 ഗോളുകൾ നേടിയിരുന്നു. ഇംഗ്ലീഷ് ഫുട്ബോളിലെ രണ്ടാം നിര ലീഗായ ചാമ്പ്യൻഷിപ്പിൽ തന്റെ കഴിവ് തെളിയിക്കാനുള്ള അവസരമാണ് ഇതിലൂടെ താരത്തിന് ലഭിക്കുന്നത്.

നേരത്തെ പുറത്തുവന്ന റിപ്പോർട്ടുകൾ പ്രകാരം, ചെൽസി അക്കാദമിയിൽ നിന്ന് വളർന്നുവന്ന താരത്തിനായി വെസ്റ്റ് ബ്രോമിൽ നിന്ന് ചെറിയൊരു തുക ക്ലബ്ബിന് ലഭിക്കും. കൂടാതെ, ഭാവിയിൽ താരം മറ്റൊരു ക്ലബ്ബിലേക്ക് മാറുകയാണെങ്കിൽ കൈമാറ്റ തുകയുടെ ഒരു വിഹിതം ലഭിക്കുന്ന സെൽ-ഓൺ ക്ലോസും കരാറിൽ ഉൾപ്പെടുത്തിയിട്ടുണ്ട്.