വിക്ടർ മുനോസിനെ ലിവർപൂൾ സ്വന്തമാക്കിയതോടെ റയൽ മാഡ്രിഡിന് 20 ദശലക്ഷം യൂറോയുടെ വൻ തുക നഷ്ടപരിഹാരമായി ലഭിക്കും.

ഒരു വർഷം മുൻപ് ഈ സ്പാനിഷ് വിംഗറെ ഒസാസുനയ്ക്ക് 5 ദശലക്ഷം യൂറോയ്ക്ക് വിറ്റപ്പോൾ തന്നെ റയൽ മാഡ്രിഡ് കരാറിൽ ബൈ-ബാക്ക് ക്ലോസ് ഉൾപ്പെടുത്തിയിരുന്നു. കൂടാതെ താരത്തിന്റെ അവകാശത്തിന്റെ 50 ശതമാനം റയൽ മാഡ്രിഡ് നിലനിർത്തുകയും ചെയ്തിരുന്നു.

അതായത്, മുനോസിനെ മറ്റൊരു ക്ലബ്ബിലേക്ക് കൈമാറുമ്പോൾ ലഭിക്കുന്ന ട്രാൻസ്ഫർ തുകയുടെ 50 ശതമാനം റയൽ മാഡ്രിഡിന് ലഭിക്കുമെന്നാണ് ഇതിനർത്ഥം.

മുനോസിന്റെ 40 ദശലക്ഷം യൂറോയുടെ റിലീസ് ക്ലോസ് തുക നൽകിയാണ് ലിവർപൂൾ താരത്തെ ടീമിലെത്തിച്ചത്. ഇതിന്റെ പകുതി തുകയാണ് റയൽ മാഡ്രിഡിന് ലഭിക്കുക.

നിലവിൽ സ്പെയിൻ ദേശീയ ടീമിനൊപ്പം ലോകകപ്പിലുള്ള മുനോസ്, ന്യൂകാസിലുമായി കരാറിലെത്താൻ അടുത്തെത്തിയിരുന്നു. എന്നാൽ അവസാന നിമിഷം ലിവർപൂൾ ഇടപെട്ടാണ് ഈ കരാർ സ്വന്തമാക്കിയത്.