വേൾഡ് കപ്പ്: ഓസ്ട്രേലിയക്കെതിരായ നിർണായക മത്സരത്തിൽ അമേരിക്കയ്ക്ക് മികച്ച തുടക്കം
വേൾഡ് കപ്പ് ഗ്രൂപ്പ് ഡിയിൽ ഓസ്ട്രേലിയക്കെതിരായ നിർണായക മത്സരത്തിൽ അമേരിക്കയ്ക്ക് മികച്ച തുടക്കം. ഓസ്ട്രേലിയൻ താരം കാമറൂൺ ബർഗസിന്റെ സെൽഫ് ഗോളിലൂടെ അമേരിക്ക മത്സരത്തിന്റെ തുടക്കത്തിൽ തന്നെ ലീഡ് സ്വന്തമാക്കി.
മത്സരത്തിന്റെ 11-ാം മിനിറ്റിലായിരുന്നു നിർണായകമായ ഗോൾ പിറന്നത്. ഫോളാരിൻ ബലോഗൻ സിക്സ് യാർഡ് ബോക്സിലേക്ക് നൽകിയ അപകടകരമായ പാസ് തടയാൻ ശ്രമിക്കുന്നതിനിടെ പന്ത് ബർഗസിന്റെ കാലിൽ തട്ടി സ്വന്തം വലയിലേക്ക് കയറുകയായിരുന്നു.
ഓസ്ട്രേലിയൻ സെന്റർ-ബാക്കിന് ഈ പന്തിനെ തടയാൻ കാര്യമായൊന്നും ചെയ്യാനായില്ല. ഇതോടെ 1-0 എന്ന നിലയിൽ അമേരിക്ക മുന്നിലെത്തി. ഗ്രൂപ്പിൽ ഒന്നാം സ്ഥാനം ഉറപ്പിക്കാൻ ഈ മത്സരം ഇരു ടീമുകൾക്കും ഏറെ നിർണായകമാണ്.
ഈ ഗോളിലൂടെ വേൾഡ് കപ്പ് ചരിത്രത്തിലെ ശ്രദ്ധേയമായൊരു റെക്കോർഡും അമേരിക്ക സ്വന്തം പേരിലാക്കി. ലോകകപ്പ് ചരിത്രത്തിൽ ഇതുവരെ അഞ്ച് സെൽഫ് ഗോളുകളുടെ ആനുകൂല്യം ലഭിച്ച അമേരിക്ക ഈ നേട്ടത്തിൽ രണ്ടാം സ്ഥാനത്താണ്. ആറ് സെൽഫ് ഗോളുകൾ ലഭിച്ച ഫ്രാൻസാണ് ഈ പട്ടികയിൽ ഒന്നാമത്.