2026 ഫിഫ ലോകകപ്പിനായുള്ള ഇംഗ്ലണ്ട് ടീം തിരഞ്ഞെടുപ്പുമായി ബന്ധപ്പെട്ട് ഉയരുന്ന മാധ്യമ വിമർശനങ്ങൾക്ക് മറുപടിയുമായി മുൻ ഇംഗ്ലണ്ട് ഡിഫൻഡർ റിയോ ഫെർഡിനാന്റ് രംഗത്ത്.

ടീമിൽ ഉൾപ്പെടാത്ത കോൾ പാമർ, ട്രെന്റ് അലക്സാണ്ടർ-ആർനോൾഡ്, മോർഗൻ ഗിബ്സ്-വൈറ്റ് തുടങ്ങിയ താരങ്ങൾ ടീമിലുണ്ടായിരുന്നെങ്കിൽ ഘാനയ്‌ക്കെതിരായ മത്സരത്തിൽ മികച്ച പ്രകടനം കാഴ്ചവെക്കാമായിരുന്നുവെന്ന് മാധ്യമപ്രവർത്തകൻ കവേ സോൾഹെക്കോൾ സ്കൈ സ്പോർട്സിൽ അഭിപ്രായപ്പെട്ടിരുന്നു. ഈ റിപ്പോർട്ട് പങ്കുവെച്ചുകൊണ്ടാണ് ഫെർഡിനാന്റ് തന്റെ നിലപാട് വ്യക്തമാക്കിയത്.

ലോകകപ്പ് ഗ്രൂപ്പ് ഘട്ടത്തിലെ രണ്ടാം മത്സരത്തിൽ ഘാനയ്‌ക്കെതിരെ ഇംഗ്ലണ്ട് ഗോൾരഹിത സമനില വഴങ്ങിയിരുന്നു. ആദ്യ മത്സരത്തിൽ ക്രൊയേഷ്യയെ 4-2ന് പരാജയപ്പെടുത്തിയ ഇംഗ്ലണ്ടിന് ഈ സമനിലയോടെ മാനേജർ തോമസ് ടുക്കലിന്റെ തീരുമാനങ്ങൾക്കെതിരെ മാധ്യമങ്ങളിൽ നിന്നും വലിയ വിമർശനങ്ങൾ നേരിടേണ്ടി വന്നു.

കാര്യങ്ങൾ അമിതമായി വ്യാഖ്യാനിക്കുന്നതിനെതിരെ എക്സ് (X) പ്ലാറ്റ്‌ഫോമിലൂടെ ഫെർഡിനാന്റ് രംഗത്തെത്തി. ആരാധകരോടും പണ്ഡിറ്റുകളോടും ശാന്തരാകാനും ടീമിനെ പിന്തുണയ്ക്കാനും അദ്ദേഹം ആവശ്യപ്പെട്ടു.

“വീണ്ടും തുടങ്ങിയിരിക്കുന്നു… ക്രൊയേഷ്യൻ മത്സരത്തിന് ശേഷം ടുക്കൽ ഒരു പ്രതിഭയായിരുന്നു, എന്നാൽ ഘാന മത്സരത്തിന് ശേഷം അദ്ദേഹം തെറ്റായ താരങ്ങളെയാണ് തിരഞ്ഞെടുത്തതെന്ന് മാധ്യമങ്ങൾ പറയുന്നു.”

“നാല് പോയിന്റുകൾ നേടിയിട്ടുണ്ട്. ദയവായി ശാന്തരാവുക, ടീമിനെയും മാനേജരെയും പിന്തുണയ്ക്കുക!”