2026 ഫിഫ ലോകകപ്പിൽ ജർമ്മനിയെ 2-1 എന്ന സ്കോറിന് പരാജയപ്പെടുത്തി ഇക്വഡോർ നോക്കൗട്ട് റൗണ്ടിലേക്ക് യോഗ്യത നേടി.

ഈ വിജയത്തിന് പിന്നാലെ രാജ്യത്തെ ജനങ്ങൾക്കായി ഒരു പൊതു അവധിയും ഇക്വഡോറിന് ലഭിച്ചിരിക്കുകയാണ്.

ഇക്വഡോറിന്റെ ഈ നേട്ടത്തിന്റെ ആഘോഷങ്ങളുടെ ഭാഗമായി ജൂൺ 26 വെള്ളിയാഴ്ച പൊതു അവധിയായിരിക്കുമെന്ന് ഇക്വഡോർ പ്രസിഡന്റ് ഡാനിയൽ നോബോവ പ്രഖ്യാപിച്ചു.

തന്റെ സോഷ്യൽ മീഡിയ അക്കൗണ്ടിലൂടെ അദ്ദേഹം ഇക്കാര്യം പങ്കുവെച്ചത് ഇങ്ങനെയാണ്: “വിമർശനങ്ങളും പരിഹാസങ്ങളും കടുത്ത പ്രതിസന്ധികളും നേരിട്ടിട്ടും തിരികെ വന്ന് രാജ്യത്തിന് ഈ വലിയ സന്തോഷം സമ്മാനിച്ച കളിക്കാർക്കും പരിശീലകർക്കും നന്ദി. നാളെ അവധിയായിരിക്കും!”

ലോകകപ്പിന്റെ റൗണ്ട് ഓഫ് 32 മത്സരത്തിൽ മെക്സിക്കോയ്‌ക്കെതിരെയാണ് ഇക്വഡോർ ഇനി മത്സരിക്കുന്നത്.