2026-27 സീസണിലേക്കുള്ള ബാഴ്സലോണയുടെ പുതിയ ഹോം കിറ്റ് ജൂൺ 30 തിങ്കളാഴ്ച ഔദ്യോഗികമായി പുറത്തിറക്കും. ബാഴ്സലോണയിലെ മ്യൂസിയം ഓഫ് കണ്ടംപററി ആർട്ടിൽ (MACBA) വെച്ചായിരിക്കും ഇതിന്റെ ഔദ്യോഗിക ലോഞ്ച് ചടങ്ങ് നടക്കുക.

ജേണലിസ്റ്റ് അഷ്റഫ് ബെൻ അയാദ് റിപ്പോർട്ട് ചെയ്യുന്നതനുസരിച്ച്, ക്ലബ്ബ് അംഗങ്ങൾക്ക് അന്ന് വൈകുന്നേരം ഓൺലൈൻ വഴി കിറ്റ് വാങ്ങാൻ അവസരമുണ്ടാകും. ഈ ചടങ്ങിൽ വെച്ചാകും ആരാധകർ ഏറെ ആകാംക്ഷയോടെ കാത്തിരിക്കുന്ന ജേഴ്സി ക്ലബ്ബ് അനാച്ഛാദനം ചെയ്യുക.

ജൂലൈ ഒന്നുമുതൽ ബാഴ്സലോണയുടെ ഔദ്യോഗിക സ്റ്റോറുകളിലും വെബ്സൈറ്റുകളിലും ജേഴ്സി പൊതുജനങ്ങൾക്ക് ലഭ്യമാകും.

പുതുക്കിപ്പണിത സ്പോട്ടിഫൈ ക്യാമ്പ് നൗവിന്റെ പുറംകാഴ്ചയിൽ നിന്ന് പ്രചോദനം ഉൾക്കൊണ്ടാണ് പുതിയ ജേഴ്സി രൂപകൽപ്പന ചെയ്തിരിക്കുന്നത്. ക്ലബ്ബിന്റെ പരമ്പരാഗത വരകൾക്ക് പകരം ചുവപ്പിന്റെയും നീലയുടെയും മൂന്ന് വ്യത്യസ്ത ഷേഡുകൾ ചേർത്തുള്ള മൾട്ടി-ടോൺ ഗ്രേഡിയന്റ് ഡിസൈനാണ് ഇതിൽ ഉൾപ്പെടുത്തിയിരിക്കുന്നത്.

പ്രശസ്ത കറ്റാലൻ വാസ്തുശില്പി ആന്റണി ഗൗഡിക്കുള്ള ആദരവും ബാഴ്സലോണ ജേഴ്സിയിൽ ഉൾപ്പെടുത്തിയിട്ടുണ്ട്. അദ്ദേഹത്തിന്റെ മരണത്തിന്റെ നൂറാം വാർഷികം അടയാളപ്പെടുത്തുന്ന പ്രത്യേക ഡിസൈനിലുള്ള സ്ക്വാഡ് നമ്പറുകളാണ് ജേഴ്സിയിലുള്ളത്.

പുതിയ സ്ലീവ് സ്പോൺസറായ മിഡിയയുടെ ലോഗോയും 2026-27 സീസണിലെ ജേഴ്സിയിൽ അരങ്ങേറ്റം കുറിക്കും. ജൂലൈ ഒന്നു മുതൽ മാച്ച് കിറ്റുകളിലും പരിശീലന കിറ്റുകളിലും ഈ ലോഗോ പതിപ്പിച്ചിട്ടുണ്ടാകും.