എംബാപ്പെയ്‌ക്കെതിരായ ഫൗൾ പെനാൽറ്റിയാണെന്ന് അർബെലോവ

ജിറോണയ്ക്കെതിരായ ഫുട്ബോൾ മത്സരത്തിൽ റയൽ മാഡ്രിഡിന് പെനാൽറ്റി നിഷേധിച്ചതിനെതിരെ രൂക്ഷവിമർശനവുമായി പരിശീലകൻ അൽവാരോ അർബെലോവ രംഗത്ത്. മത്സരം 1-1 എന്ന നിലയിൽ സമനിലയിൽ അവസാനിച്ചതിന് പിന്നാലെയാണ് അദ്ദേഹം അതൃപ്തി അറിയിച്ചത്.

ഇതൊരു വ്യക്തമായ പെനാൽറ്റിയായിരുന്നുവെന്ന് അർബെലോവ പറഞ്ഞു. ഇത് ആർക്കും മനസ്സിലാകാത്ത കാര്യമാണെന്നും അദ്ദേഹം കൂട്ടിച്ചേർത്തു. ചന്ദ്രനിൽ പോയാലും ഇതൊരു പെനാൽറ്റി തന്നെയാണെന്നാണ് അദ്ദേഹം അഭിപ്രായപ്പെട്ടത്.

എല്ലാ ആഴ്ചയും ഇത്തരം കാര്യങ്ങൾ സംഭവിക്കുന്നുവെന്ന് അർബെലോവ കുറ്റപ്പെടുത്തി. തങ്ങൾക്ക് ഒട്ടും അനുകൂലമല്ലാത്ത സാഹചര്യത്തിലൂടെയാണ് കാര്യങ്ങൾ നീങ്ങുന്നത്. ഇത് പതിവ് സംഭവമായി മാറിയെന്നും അദ്ദേഹം പറഞ്ഞു.

VAR സാങ്കേതികവിദ്യയുടെ പ്രവർത്തനത്തെയും അദ്ദേഹം വിമർശിച്ചു. തങ്ങൾക്ക് ആവശ്യമുള്ളപ്പോൾ മാത്രം VAR ഇടപെടുന്നുവെന്നും അല്ലാത്തപ്പോൾ കണ്ണടയ്ക്കുന്നുവെന്നും അർബെലോവ ആരോപിച്ചു.

ജിറോണയ്ക്കെതിരായ ഈ സമനില റയൽ മാഡ്രിഡിന് തിരിച്ചടിയായി. ശനിയാഴ്ച നടക്കുന്ന മത്സരത്തിൽ എസ്പാനിയോളിനെ തോൽപ്പിച്ചാൽ ബാഴ്സലോണയ്ക്ക് പോയിന്റ് പട്ടികയിൽ ഒമ്പത് പോയിന്റ് ലീഡ് നേടാൻ അവസരമൊരുങ്ങും.