റയൽ മാഡ്രിഡിനായി ലാ ലിഗയിൽ നൂറ് മത്സരങ്ങൾ തികച്ച് ബ്രഹിം ഡിയാസ്. സാന്റിയാഗോ ബെർണബ്യൂവിൽ വെച്ച് ജിറോണക്കെതിരെ നടന്ന മത്സരത്തോടെയാണ് ഇരുപത്തിയാറുകാരനായ ഈ താരം ഈ വലിയ നേട്ടത്തിലെത്തിയത്.
റയൽ മാഡ്രിഡിലെ അഞ്ചാം സീസണിലാണ് ബ്രഹിം ഈ നേട്ടം സ്വന്തമാക്കിയത്. ക്ലബ്ബിന് വേണ്ടി എല്ലാ ടൂർണമെന്റുകളിലുമായി ആകെ 155 മത്സരങ്ങളിൽ താരം കളത്തിലിറങ്ങിയിട്ടുണ്ട്.
റയൽ മാഡ്രിഡിനൊപ്പം ഏഴ് കിരീടങ്ങൾ ബ്രഹിം നേടിയിട്ടുണ്ട്. ഇതിൽ രണ്ട് തവണ ലാ ലിഗ കിരീടവും ഉൾപ്പെടുന്നു.
ലാലീഗയിൽ കളിച്ച നൂറ് മത്സരങ്ങളിൽ എഴുപതെണ്ണത്തിലും റയൽ മാഡ്രിഡ് വിജയിച്ചു. 2023-24, 2024-25 സീസണുകളിലാണ് താരം ഏറ്റവും കൂടുതൽ മത്സരങ്ങൾ കളിച്ചത്. ഈ രണ്ട് സീസണുകളിലും മുപ്പത്തിയൊന്ന് മത്സരങ്ങൾ വീതമാണ് അദ്ദേഹം കളിച്ചത്.
റിയൽ സോസിഡാഡ്, മയോർക്ക, ഗെറ്റാഫെ എന്നീ ടീമുകൾക്കെതിരെയാണ് താരം ഏറ്റവും കൂടുതൽ തവണ കളിച്ചത്. ഈ ടീമുകൾക്കെതിരെ ഏഴ് തവണ വീതം ബ്രഹിം കളത്തിലിറങ്ങി. ലാ ലിഗയിൽ ഇതുവരെ പതിമൂന്ന് ഗോളുകളും അദ്ദേഹം നേടിയിട്ടുണ്ട്.