ചെന്നൈയില്‍ വിജയപ്രതീക്ഷയുമായി ഈസ്റ്റ് ബംഗാൾ; നേർക്കുനേർ പോരാട്ടത്തിന് മറീന മച്ചാൻസ്

ഐഎസ്എല്ലിൽ (ISL) ശനിയാഴ്ച നടക്കുന്ന നിർണായക മത്സരത്തിൽ ഈസ്റ്റ് ബംഗാൾ എഫ്സി, ചെന്നൈയിൻ എഫ്സിയെ നേരിടും. ചെന്നൈയിലെ ജവഹർലാൽ നെഹ്റു സ്റ്റേഡിയത്തിൽ വൈകിട്ട് അഞ്ചിനാണ് മത്സരം. കഴിഞ്ഞ സീസണിൽ ഇതേ മൈതാനത്ത് ചെന്നൈയിൻ എഫ്സിക്കെതിരെ 2-0 ന് വിജയിച്ചതിന്റെ ആത്മവിശ്വാസത്തിലാണ് പരിശീലകൻ ഓസ്കാർ ബ്രൂസൺ എത്തുന്നത്.

മുഹമ്മദൻ സ്പോർട്ടിംഗിനെതിരെ 7-0 ന് വിജയിച്ചതിന്റെ വലിയ ആത്മവിശ്വാസത്തിലാണ് ഈസ്റ്റ് ബംഗാൾ ടീം. ഈ സീസണിൽ ജംഷഡ്‌പൂർ എഫ്സിക്കെതിരെ മാത്രമാണ് ടീം പരാജയപ്പെട്ടത്. പരിക്കിനെത്തുടർന്ന് വിട്ടുനിന്ന പ്രതിരോധതാരം കെവിൻ സിബിലും, അന്താരാഷ്ട്ര മത്സരത്തിനിടെ പരിക്കേറ്റ അൻവർ അലിയും ടീമിലേക്ക് തിരിച്ചെത്തുമെന്നാണ് പ്രതീക്ഷിക്കുന്നത്. എന്നാൽ പരിക്കേറ്റ മിഡ്ഫീൽഡർ മുഹമ്മദ് റാഷിദിന്റെ കാര്യത്തിൽ അനിശ്ചിതത്വം തുടരുന്നു. ലീഗിൽ ഏഴ് ഗോളുകൾ വീതം അടിച്ചുകൂട്ടിയ യൂസഫ് എസെജാരിയുടെ പ്രകടനത്തിലാണ് ഈസ്റ്റ് ബംഗാളിന്റെ പ്രധാന പ്രതീക്ഷ. മിഗുവൽ ഫിഗ്വീര മധ്യനിരയിൽ കളി മെനയും.

മറുവശത്ത്, ചെന്നൈയിൻ എഫ്സിക്ക് കാര്യങ്ങൾ അത്ര എളുപ്പമല്ല. കേരള ബ്ലാസ്റ്റേഴ്‌സിനെതിരെ മാത്രമാണ് അവർക്ക് ഈ സീസണിൽ ജയിക്കാനായത്. പുതിയ ടീമായ ഇന്റർ കാശിക്കെതിരെ കഴിഞ്ഞ മത്സരത്തിൽ 1-2 ന് പരാജയപ്പെട്ടത് ടീമിന് വലിയ തിരിച്ചടിയായി. ഈസ്റ്റ് ബംഗാൾ ലീഗിലെ ഏറ്റവും മികച്ച സന്തുലിതമായ ടീമാണെന്നും അവർക്കെതിരെയുള്ള മത്സരം കടുപ്പമായിരിക്കുമെന്നും പരിശീലകൻ ക്ലിഫോർഡ് മിറാൻഡ പറഞ്ഞു. എങ്കിലും സ്വന്തം തട്ടകത്തിൽ വിജയിക്കാൻ സാധ്യമായതെല്ലാം ചെയ്യുമെന്നും അദ്ദേഹം കൂട്ടിച്ചേർത്തു.

മധ്യനിരയിൽ ആൽബർട്ടോ നോഗുരയും മുഹമ്മദ് അലി ബെമമ്മറും ചെന്നൈയിനായി കളം നിറയും. മുന്നേറ്റനിരയിൽ ഫറൂഖ് ചൗധരിയും ഇർഫാൻ യാദ്‌വാദും അണിനിരക്കുമ്പോൾ, ഇനിയാഗോ മാർട്ടിന്റെ റോൾ നിർണായകമാകും. പ്രതിരോധത്തിലെ പിഴവുകൾ തിരുത്തുക എന്നതാകും പരിശീലകൻ മിറാൻഡയുടെ പ്രധാന വെല്ലുവിളി. നേരത്തെ സൂപ്പർ കപ്പിൽ ഈസ്റ്റ് ബംഗാളിനോട് 0-4 ന് പരാജയപ്പെട്ടതിന്റെ ക്ഷീണം തീർക്കാനാണ് ചെന്നൈയിൻ ഇറങ്ങുന്നത്.

ഇരു ടീമുകളും തമ്മിലുള്ള കണക്കെടുപ്പിൽ ഇതുവരെ മൂന്ന് വീതം മത്സരങ്ങളിൽ വിജയിച്ചു. അഞ്ച് മത്സരങ്ങൾ സമനിലയിൽ കലാശിച്ചു. ചെന്നൈയിൽ വെച്ചു നടന്ന മത്സരങ്ങളിൽ ഇരു ടീമുകളും ഓരോ തവണ വീതം ജയം നേടിയിട്ടുണ്ട്.

2️⃣ 𝗶𝗻 2️⃣ 🥇Youssef Ezzejjari bags the #ISL Fans’ Player of the Month award for the second time on the trot, thanks to your incredible love and support! ❤️💛[Joy East Bengal] pic.twitter.com/eZxbGpMhbp

— East Bengal FC (@eastbengal_fc) April 9, 2026

An emotional night for our boy on his ISL debut. At his home ground. 💙We couldn’t have been more proud.#AllInForChennaiyinpic.twitter.com/dZRzYpyy8J

— Chennaiyin F.C. (@ChennaiyinFC) April 8, 2026