മോഹൻ ബഗാൻ സൂപ്പർ ജയന്റും ഇന്റർ കാശിയും തമ്മിലുള്ള 2025-26 ഇന്ത്യൻ സൂപ്പർ ലീഗ് മത്സരം പുനഃക്രമീകരിച്ചതായി ക്ലബ് അധികൃതർ തിങ്കളാഴ്ച അറിയിച്ചു. നേരത്തെ ഏപ്രിൽ 26-ന് നടക്കേണ്ടിയിരുന്ന മത്സരം മെയ് 12-ലേക്കാണ് മാറ്റിയത്.
കൊൽക്കത്തയിലെ വിവേകാനന്ദ യുവ ഭാരതി ക്രീരംഗനിൽ വെച്ചാണ് മത്സരം നടക്കുക. നേരത്തെ നിശ്ചയിച്ചിരുന്നതുപോലെ രാത്രി 7:30-ന് തന്നെ മത്സരം ആരംഭിക്കും.
നിലവിൽ ആറ് മത്സരങ്ങളിൽ നിന്ന് 13 പോയിന്റുമായി മോഹൻ ബഗാൻ ഐഎസ്എൽ പോയിന്റ് പട്ടികയിൽ രണ്ടാമതാണ്. ആറ് മത്സരങ്ങളിൽ നിന്ന് അഞ്ച് പോയിന്റുള്ള ഇന്റർ കാശി പട്ടികയിൽ 11-ാം സ്ഥാനത്താണ്.
Advertisement
Published on Mar 30, 2026