നൈജീരിയൻ ഗോൾകീപ്പർ സ്റ്റാൻലി എൻവാബാലി നാട്ടിൽ പ്രാദേശിക ഫുട്ബോൾ മത്സരത്തിൽ കളിക്കുന്നതിന്റെ ദൃശ്യങ്ങൾ സമൂഹമാധ്യമങ്ങളിൽ ചർച്ചയാകുന്നു. ഞായറാഴ്ച നാട്ടിൽ നടന്ന ഒരു ഫുട്ബോൾ മത്സരത്തിൽ താരം കളിക്കുന്ന വീഡിയോയാണ് പുറത്തുവന്നത്.
ദക്ഷിണാഫ്രിക്കൻ ക്ലബ്ബായ ചിപ്പ യുണൈറ്റഡുമായുള്ള കരാർ പരസ്പര ധാരണയോടെ അവസാനിപ്പിച്ചതിനെത്തുടർന്ന് നിലവിൽ എൻവാബാലിക്ക് ക്ലബ്ബുകളൊന്നുമില്ല. താരത്തിന്റെ ഭാവി പരിപാടികളെക്കുറിച്ച് സോഷ്യൽ മീഡിയയിൽ ഇതിനകം തന്നെ പലവിധ ചർച്ചകൾ ഉയർന്നിട്ടുണ്ട്.
അതേസമയം, മാർച്ച് മാസത്തിൽ നടന്ന അന്താരാഷ്ട്ര സൗഹൃദ മത്സരങ്ങൾക്കുള്ള നൈജീരിയൻ ടീമിലും എൻവാബാലിയെ ഉൾപ്പെടുത്തിയിരുന്നില്ല. പരിശീലകൻ എറിക് ചെല്ലെ മറ്റ് താരങ്ങളെയാണ് ഈ മത്സരങ്ങൾക്കായി പരിഗണിച്ചത്.
Advertisement