ബയർ ലെവർകൂസൻ താരം ക്രിസ്റ്റ്യൻ കോഫാനെയെ നോട്ടമിട്ട് പ്രീമിയർ ലീഗ് ക്ലബ്ബുകൾ
കാമറൂൺ അന്താരാഷ്ട്ര താരമായ ക്രിസ്റ്റ്യൻ കോഫാനെയെ ടീമിലെത്തിക്കാൻ ശ്രമം തുടങ്ങി മാഞ്ചസ്റ്റർ സിറ്റിയും ലിവർപൂളും.
ബയർ ലെവർകൂസന് വേണ്ടി പുറത്തെടുക്കുന്ന മികച്ച പ്രകടനമാണ് ക്രിസ്റ്റ്യൻ കോഫാനെയെ പ്രമുഖ യൂറോപ്യൻ ക്ലബ്ബുകളുടെ ശ്രദ്ധാകേന്ദ്രമാക്കിയത്. ജർമ്മൻ ക്ലബ്ബിൽ ചേർന്നതിന് ശേഷം 19-കാരനായ ഈ സ്ട്രൈക്കർ മികച്ച വളർച്ചയാണ് കാഴ്ചവെക്കുന്നത്. ഇതാണ് യൂറോപ്യൻ വമ്പൻ ക്ലബ്ബുകളെ താരത്തിലേക്ക് ആകർഷിച്ചത്.
ടീം ടോക്കിന്റെ റിപ്പോർട്ടുകൾ പ്രകാരം, ആഴ്സണലിന് പിന്നാലെ ലിവർപൂളും മാഞ്ചസ്റ്റർ സിറ്റിയും ഇപ്പോൾ കോഫാനെയെ സ്വന്തമാക്കാനുള്ള മത്സരത്തിൽ പങ്കുചേർന്നിരിക്കുകയാണ്. താരത്തിന്റെ ആക്രമണ ശൈലിയും കളിയെ വായിച്ചെടുക്കാനുള്ള കഴിവുമാണ് ഈ രണ്ട് പ്രീമിയർ ലീഗ് ക്ലബ്ബുകളെയും ആകർഷിച്ചത്. ബയർ ലെവർകൂസൻ സ്ട്രൈക്കറെക്കുറിച്ച് ഇവർ ഇതിനോടകം തന്നെ അന്വേഷണങ്ങൾ നടത്തിക്കഴിഞ്ഞു.
ചെൽസി, ന്യൂകാസിൽ യുണൈറ്റഡ്, എവർട്ടൻ, ബ്രെന്റ്ഫോർഡ്, ബാഴ്സലോണ, ബയേൺ മ്യൂണിക്ക് തുടങ്ങിയ ക്ലബ്ബുകളും ക്രിസ്റ്റ്യൻ കോഫാനെയെ സ്വന്തമാക്കാൻ താൽപ്പര്യം പ്രകടിപ്പിച്ചിട്ടുണ്ട്.