എഎഫ്സി ഏഷ്യൻ കപ്പ് 2027 യോഗ്യതാ മത്സരങ്ങളിൽ ഹോങ്കോങ്ങിനെതിരെ (ചൈന) 2-1 ന് വിജയിച്ചതോടെ ഫിഫ റാങ്കിംഗിൽ അഞ്ച് സ്ഥാനങ്ങൾ മെച്ചപ്പെടുത്തി ഇന്ത്യൻ ഫുട്ബോൾ ടീം. പുതിയ റാങ്കിംഗ് പ്രകാരം 141-ാം സ്ഥാനത്തുനിന്നും 136-ാം സ്ഥാനത്തേക്കാണ് ഇന്ത്യ ഉയർന്നത്. മ്യാൻമർ, ലാവോസ് എന്നിവർക്കൊപ്പം ഏഷ്യയിൽ ഏറ്റവും കൂടുതൽ റാങ്കിംഗ് ഉയർച്ച നേടിയ മൂന്നാമത്തെ ടീമും ഇന്ത്യയാണ്.
മത്സരത്തിന്റെ ആദ്യ പകുതിയിൽ റയാൻ വില്യംസും രണ്ടാം പകുതിയിൽ ആകാശ് മിശ്രയുമാണ് ഇന്ത്യയ്ക്കായി ഗോളുകൾ നേടിയത്. യോഗ്യതാ മത്സരങ്ങളിലെ ഇന്ത്യയുടെ ഏക വിജയമാണിത്. പരിശീലകൻ ഖാലിദ് ജമീലിന്റെ നാട്ടിലെ ആദ്യ വിജയമെന്ന പ്രത്യേകതയും ഈ മത്സരത്തിനുണ്ട്.
ഇതും വായിക്കുക | എഎഫ്സി ഏഷ്യൻ കപ്പ് യോഗ്യതാ മത്സരം: ഹോങ്കോങ്ങിനെ തോൽപ്പിച്ച് ഇന്ത്യയ്ക്ക് ജയത്തോടെ തുടക്കം
ഹോങ്കോങ്ങിനെതിരായ ജയത്തിന് ശേഷവും എഎഫ്സി ഏഷ്യൻ കപ്പ് 2027-ലേക്ക് യോഗ്യത നേടാൻ ഇന്ത്യയ്ക്ക് സാധിച്ചില്ല. 11 വർഷത്തിന് ശേഷമാണ് ഇന്ത്യ ഏഷ്യൻ കപ്പിൽ നിന്ന് പുറത്താകുന്നത്.
ആറ് മത്സരങ്ങളിൽ നിന്ന് അഞ്ച് പോയിന്റുമായി ഗ്രൂപ്പിൽ അവസാന സ്ഥാനത്താണ് ഇന്ത്യ ഫിനിഷ് ചെയ്തത്. 14 പോയിന്റുള്ള സിംഗപ്പൂർ, 8 പോയിന്റുള്ള ഹോങ്കോങ്ങ്, 5 പോയിന്റുള്ള ബംഗ്ലാദേശ് എന്നിവർക്ക് പിന്നിലാണ് ഇന്ത്യ. 2015 മാർച്ചിൽ 173-ാം സ്ഥാനത്തായിരുന്നു ഇന്ത്യയുടെ ഏറ്റവും താഴ്ന്ന ഫിഫ റാങ്കിംഗ്.
Published on Apr 01, 2026