വ്യാഴാഴ്ച നടന്ന പരിശീലന സെഷനിൽ താരം മികച്ച പ്രകടനമാണ് കാഴ്ചവെച്ചത്. പനി ഭേദമായതോടെ താരം പൂർണ്ണ ആരോഗ്യത്തിലേക്ക് മടങ്ങിയെത്തിയിരിക്കുകയാണെന്ന് തിയോൺ പറഞ്ഞു. ദീർഘനാളത്തെ പരിക്കിന് ശേഷം ബോണിഫേസ് തിരിച്ചുവരവിന്റെ പാതയിലാണെന്നും അദ്ദേഹം സ്ഥിരീകരിച്ചു.

അതേസമയം, ബോണിഫേസിനെ കളത്തിലിറക്കുന്ന കാര്യത്തിൽ അന്തിമ തീരുമാനം എടുത്തിട്ടില്ലെന്നും പരിശീലനത്തിലെ പുരോഗതിയും ടീമിന്റെ ആവശ്യങ്ങളും പരിഗണിച്ചായിരിക്കും തീരുമാനമെന്നും അദ്ദേഹം കൂട്ടിച്ചേർത്തു.

ബോണിഫേസ് ടീമിൽ ഇടംനേടിയാലും ആദ്യ ഇലവനിൽ സ്ഥാനം ലഭിക്കില്ലെന്ന് പരിശീലകൻ വ്യക്തമാക്കി. മത്സരത്തിന്റെ പ്രത്യേക സാഹചര്യത്തിൽ പകരക്കാരനായി കുറച്ചു സമയം മാത്രം താരം കളിക്കളത്തിലിറങ്ങാനാണ് സാധ്യത.

കഴിഞ്ഞ ഡിസംബറിൽ മുട്ടിനേറ്റ പരിക്കിനെത്തുടർന്ന് ബോണിഫേസ് പുറത്തായിരുന്നു. റെലഗേഷൻ ഭീഷണി നേരിടുന്ന വെർഡർ ബ്രെമെന് താരത്തിന്റെ തിരിച്ചുവരവ് ഏറെ നിർണായകമാണ്.