ഡയറിയോ എഎസ് റിപ്പോർട്ട് പ്രകാരം, ബാഴ്‌സലോണയുടെ താരമായ റൂണി ബാർഡ്ജ്ജിയെ ഒരു സീസണിന് ശേഷം ഈ സമ്മറിൽ വിൽക്കാൻ ക്ലബ് തീരുമാനിച്ചു.

താരത്തിന് കൂടുതൽ മത്സരങ്ങളിൽ അവസരം ലഭിക്കുന്നതിനായി ലോണിൽ അയക്കാൻ നേരത്തെ ആലോചിച്ചിരുന്നെങ്കിലും, ഇപ്പോൾ താരത്തെ വിൽക്കാൻ തന്നെയാണ് ബാഴ്‌സലോണയുടെ തീരുമാനം. അനുയോജ്യമായ ഓഫർ ലഭിച്ചാൽ ഈ സമ്മറിൽ തന്നെ സ്വീഡിഷ് വിങ്ങറെ ടീമിൽ നിന്ന് ഒഴിവാക്കും.

ലാമിൻ യമാലിന്റെ സാന്നിധ്യം കാരണം 20 വയസ്സുകാരനായ ബാർഡ്ജ്ജിക്ക് ഈ സീസണിൽ സ്ഥിരമായി അവസരങ്ങൾ ലഭിച്ചിരുന്നില്ല. സമീപകാലത്തെ മത്സരങ്ങളിൽ താരത്തിന്റെ ആത്മവിശ്വാസമില്ലായ്മ പ്രകടമായിരുന്നു. തന്റെ നിലവിലെ സാഹചര്യത്തിൽ താരം അതൃപ്തി രേഖപ്പെടുത്തുകയും ചെയ്തിട്ടുണ്ട്.

കൂടാതെ, 2026 ലോകകപ്പിനുള്ള സ്വീഡൻ ദേശീയ ടീമിൽ നിന്നും റൂണിയെ ഒഴിവാക്കിയത് താരത്തിന് തിരിച്ചടിയായി.