താൻ തികഞ്ഞ ലക്ഷ്യബോധമുള്ള വ്യക്തിയാണെന്നും, അതിനായി ക്ലബിലെ എല്ലാവരുടെയും പിന്തുണ ആവശ്യമാണെന്നും എമറി പറഞ്ഞു. ഉടമകളും ക്ലബിലെ ജീവനക്കാരും കളിക്കാരും ഒത്തൊരുമയോടെയാണ് മുന്നോട്ട് പോകുന്നത്. ഓരോ ചുവടുവെപ്പും ടീമിനെ കൂടുതൽ കരുത്തുറ്റതാക്കുന്നു. ഈ ഫൈനൽ പ്രവേശനം ടീമിന്റെ പുരോഗതിയുടെ അടയാളമാണെന്നും അദ്ദേഹം കൂട്ടിച്ചേർത്തു.

ലോകത്തിലെ ഏറ്റവും കടുപ്പമേറിയ ലീഗാണ് പ്രീമിയർ ലീഗ്. അടുത്ത വർഷം ചാമ്പ്യൻസ് ലീഗിൽ കളിക്കുക എന്നത് ടീമിന് മുന്നിലുള്ള വലിയൊരു വെല്ലുവിളിയാണ്. ആദ്യ അഞ്ചിലോ നാലിലോ ഇടംപിടിക്കുക എന്നത് പ്രയാസകരമാണ്. മാഞ്ചസ്റ്റർ സിറ്റിയെയും ആഴ്‌സണലിനെയും പോലെയുള്ള ടീമുകൾക്കൊപ്പം എത്താൻ കഴിയുമെന്നാണ് പ്രതീക്ഷയെന്നും എമറി പറഞ്ഞു.

ഈ സീസൺ അവസാനിക്കാൻ ഒരു മത്സരം മാത്രം ബാക്കിനിൽക്കെ, അസ്റ്റൺ വില്ല ഇതിനകം ചാമ്പ്യൻസ് ലീഗ് യോഗ്യത ഉറപ്പിച്ചു കഴിഞ്ഞു. സീസണിന്റെ തുടക്കത്തിൽ കിരീട പോരാട്ടത്തിൽ സജീവമായിരുന്നെങ്കിലും, ലീഗ് തലപ്പത്തുള്ള ആഴ്‌സണലിനേക്കാൾ 20 പോയിന്റ് പിന്നിലാണ് നിലവിൽ ടീം.