അത്ലറ്റികോ മാഡ്രിഡിന്റെ മുന്നേറ്റനിര താരം ജൂലിയൻ ആൽവാരസിനെ സ്വന്തമാക്കാൻ ബാഴ്‌സലോണ ഔദ്യോഗികമായി ബിഡ് സമർപ്പിക്കാൻ ഒരുങ്ങുന്നതായി പ്രമുഖ ഫുട്ബോൾ ട്രാൻസ്ഫർ വിദഗ്ധൻ ഫാബ്രിസിയോ റൊമാനോ റിപ്പോർട്ട് ചെയ്യുന്നു. ബാഴ്‌സലോണയുടെ ഈ സമ്മർ ട്രാൻസ്ഫർ വിപണിയിലെ പ്രധാന ലക്ഷ്യമാണ് ആൽവാരസ്.

ഈ നീക്കങ്ങൾ വേഗത്തിലാക്കുന്നതിനായി ബാഴ്‌സലോണ സ്പോർട്ടിംഗ് ഡയറക്ടർ ഡെക്കോ അടുത്തിടെ ആൽവാരസിന്റെ ഏജന്റുമാരുമായും ഇടനിലക്കാരുമായും കൂടിക്കാഴ്ച നടത്തിയിരുന്നു.

അത്ലറ്റികോ മാഡ്രിഡ് ആഗ്രഹിക്കുന്നതുപോലെ, കളിക്കാരെ ഉൾപ്പെടുത്താതെ പണമായി മാത്രം കൈമാറുന്ന രീതിയിലുള്ള ഓഫറായിരിക്കും ബാഴ്‌സലോണ മുന്നോട്ടുവെക്കുക.

ഈ സീസണിൽ ക്ലബ്ബ് വിടാനുള്ള തന്റെ ആഗ്രഹം ആൽവാരസ് അത്ലറ്റികോ മാനേജ്‌മെന്റിനെ അറിയിച്ചു കഴിഞ്ഞു. ബാഴ്‌സലോണയിലേക്ക് ചേക്കേറാനാണ് താൻ ആഗ്രഹിക്കുന്നതെന്നും താരം വ്യക്തമാക്കിയിട്ടുണ്ട്.