കെന്നറ്റ് ഐക്ഹോണിനായുള്ള നീക്കത്തിൽ നിന്ന് പിന്മാറി ബൊറൂസിയ ഡോർട്ട്മുണ്ട്
ഹെർത്ത ബിഎസ്സിയുടെ 16 വയസ്സുള്ള മിഡ്ഫീൽഡർ കെന്നറ്റ് ഐക്ഹോണിനെ സ്വന്തമാക്കാനുള്ള ശ്രമത്തിൽ നിന്ന് ബൊറൂസിയ ഡോർട്ട്മുണ്ട് പിന്മാറി. കരാറുമായി ബന്ധപ്പെട്ട മൊത്തം ചെലവ് വളരെ കൂടുതലാണെന്ന് വിലയിരുത്തിയാണ് ക്ലബ്ബിന്റെ തീരുമാനം.
മുൻനിര ബുണ്ടസ്ലിഗ ക്ലബ്ബുകൾക്ക് താരത്തെ സ്വന്തമാക്കാൻ ഏകദേശം 9 ദശലക്ഷം യൂറോയുടെ റിലീസ് ക്ലോസാണ് നിശ്ചയിച്ചിരിക്കുന്നത്. എന്നാൽ, വലിയൊരു സൈനിംഗ് ഫീ ഉൾപ്പെടെ മൊത്തം 20 ദശലക്ഷം യൂറോയോളം ചിലവ് വരുമെന്നതാണ് ഡോർട്ട്മുണ്ടിനെ പിന്തിരിപ്പിച്ചത്. മികച്ചൊരു താരമാണെങ്കിൽ പോലും ഇത്രയും വലിയ തുക നൽകാൻ തങ്ങൾ തയ്യാറല്ലെന്ന് ഡോർട്ട്മുണ്ട് വ്യക്തമാക്കി.
പ്രതിരോധ താരം ജോവാൻ ഗാഡോയെ ടീമിലെത്തിച്ച ഡോർട്ട്മുണ്ട്, ട്രാൻസ്ഫർ വിപണിയിൽ ഇപ്പോഴും സജീവമാണ്. ശരിയായ വിലയിൽ മികച്ച താരങ്ങളെ ലഭിച്ചാൽ ഉടൻ തന്നെ കരാറിലെത്തുമെന്നും ക്ലബ്ബ് അറിയിച്ചു.
അതേസമയം, വർക്ക് പെർമിറ്റ് നിയന്ത്രണങ്ങൾ കാരണം ഐക്ഹോണിനെ ലോണിൽ സ്വന്തമാക്കാനുള്ള സാധ്യതകൾ ലിവർപൂൾ പരിശോധിക്കുന്നുണ്ട്. ബയർ ലെവർകൂസനും ബയേൺ മ്യൂണിക്കും താരത്തിൽ വലിയ താൽപ്പര്യം പ്രകടിപ്പിക്കുന്നുണ്ട്.