പുതിയ പരിശീലകനായ ജോസ് മൗറീഞ്ഞോ എടുക്കുന്ന ഏത് തീരുമാനങ്ങൾക്കും പൂർണ്ണ പിന്തുണ നൽകുമെന്ന് റയൽ മാഡ്രിഡ് പ്രസിഡന്റ് ഫ്ലോറെന്റീനോ പെരസ് വ്യക്തമാക്കി.

ടീമിലെ ഏതെങ്കിലും സൂപ്പർ താരത്തെ ബെഞ്ചിലിരുത്താൻ മൗറീഞ്ഞോ തീരുമാനിച്ചാൽ എന്ത് നിലപാടായിരിക്കും സ്വീകരിക്കുക എന്ന ചോദ്യത്തിന്, ജോസ് മൗറീഞ്ഞോയിൽ തനിക്ക് പൂർണ്ണ വിശ്വാസമുണ്ടെന്നും അദ്ദേഹം എടുക്കുന്ന തീരുമാനങ്ങളെ പിന്തുണയ്ക്കുമെന്നും പെരസ് മറുപടി നൽകി.

ബ്രസീലിയൻ വിങ്ങർ വിനീഷ്യസിനെ പിൻവലിച്ചതുമായി ബന്ധപ്പെട്ട തർക്കത്തെത്തുടർന്ന് സാബി അലോൺസോയെ ഈ സീസണിൽ പുറത്താക്കിയിരുന്നു.

എന്നാൽ മൗറീഞ്ഞോയുടെ രീതികൾ വ്യത്യസ്തമായിരിക്കുമെന്നാണ് കരുതപ്പെടുന്നത്. റയൽ മാഡ്രിഡിന്റെ പരിശീലകനായിരുന്ന ആദ്യ കാലഘട്ടത്തിൽ ഐക്കർ കാസില്ലസിനെ ബെഞ്ചിലിരുത്തിയ ചരിത്രം മൗറീഞ്ഞോയ്ക്കുണ്ട്.