2026 ലോകകപ്പിൽ നിന്ന് നെതർലൻഡ്‌സ് പ്രതിരോധ താരം ജൂറിയൻ ടിംബർ പുറത്ത്. തുടയെല്ലിനേറ്റ പരിക്കിൽ നിന്ന് പൂർണ്ണമായി മുക്തി നേടാത്തതിനെ തുടർന്നാണ് താരം ലോകകപ്പ് ടീമിൽ നിന്ന് പിന്മാറിയതെന്ന് നെതർലൻഡ്‌സ് ഫുട്ബോൾ അസോസിയേഷൻ ഔദ്യോഗികമായി സ്ഥിരീകരിച്ചു.

ടീം പുറത്തിറക്കിയ പ്രസ്താവന ഇങ്ങനെയാണ്: “ജൂറിയൻ ടിംബർ 2026 ലോകകപ്പിൽ കളിക്കില്ല.”

“24 കാരനായ ഈ പ്രതിരോധ താരം തുടയ്ക്കുണ്ടായ പരിക്കിൽ നിന്ന് പൂർണ്ണമായി സുഖം പ്രാപിച്ചിട്ടില്ല. അതിനാൽ തന്നെ ആരോഗ്യപരമായ സുരക്ഷ മുൻനിർത്തി അദ്ദേഹത്തിന് ലോകകപ്പിൽ പങ്കെടുക്കാൻ സാധിക്കില്ല. മെഡിക്കൽ സംഘവുമായുള്ള കൂടിയാലോചനയ്ക്ക് ശേഷം, ഉസ്ബെക്കിസ്ഥാനുമായുള്ള മത്സരത്തിന് ശേഷം ന്യൂയോർക്കിലെ നാഷണൽ ടീം പ്രീ-ക്യാമ്പിൽ നിന്ന് ടിംബർ മടങ്ങുമെന്ന് തീരുമാനിച്ചു.”

“ജൂറിയൻ, ഞങ്ങൾ നിനക്കൊപ്പമുണ്ട്.”