2026 ഫിഫ ലോകകപ്പിന്റെ ഭാഗമായി നടന്ന ഗ്രൂപ്പ് എ മത്സരത്തിൽ ദക്ഷിണ കൊറിയയും ചെക്കിയയും തമ്മിൽ പോരാടുന്നു. മെക്സിക്കോ സിറ്റിയിലെ എസ്റ്റാഡിയോ അസ്ടെക സ്റ്റേഡിയത്തിൽ നടന്ന ഉദ്ഘാടന മത്സരത്തിൽ ദക്ഷിണാഫ്രിക്കയെ എതിരില്ലാത്ത രണ്ട് ഗോളുകൾക്ക് മെക്സിക്കോ പരാജയപ്പെടുത്തിയിരുന്നു.
ഉദ്ഘാടന മത്സരത്തിന്റെ ആവേശം ഒട്ടും കുറയാതെയാണ് രണ്ടാം മത്സരത്തിലേക്ക് കടക്കുന്നത്. മെക്സിക്കോയും ദക്ഷിണാഫ്രിക്കയും തമ്മിലുള്ള മത്സരത്തിൽ സംഘർഷങ്ങൾ ഉണ്ടായിരുന്നു. രണ്ടാം പകുതിയിൽ ദക്ഷിണാഫ്രിക്കയുടെ രണ്ട് താരങ്ങൾക്കും മെക്സിക്കോയുടെ ഒരു താരത്തിനുമാണ് ചുവപ്പ് കാർഡ് ലഭിച്ചത്. മത്സരത്തിന്റെ ഒൻപതാം മിനിറ്റിൽ ജൂലിയൻ ക്വിനോണസാണ് മെക്സിക്കോയ്ക്ക് വേണ്ടി ഗോൾ നേടിയത്.
1986-ൽ ഡിയേഗോ മറഡോണയുടെ നേതൃത്വത്തിൽ അർജന്റീന പശ്ചിമ ജർമ്മനിയെ തോൽപ്പിച്ച് കിരീടം ചൂടിയ ചരിത്രപ്രസിദ്ധമായ വേദിയാണ് മെക്സിക്കോയിലെ അസ്ടെക സ്റ്റേഡിയം. അന്ന് ഒരു ലക്ഷത്തിലധികം കാണികളാണ് ഈ സ്റ്റേഡിയത്തിൽ കളി കാണാനെത്തിയത്. ഇത്തവണത്തെ ലോകകപ്പിലും വലിയ ആവേശത്തോടെയാണ് ഫുട്ബോൾ ആരാധകർ ഓരോ മത്സരത്തെയും നോക്കിക്കാണുന്നത്.